Əməkdar artist Elza Seyidcahan  ləhcə ilə danışan ali təhsilli gənci tənqid atəşinə tutub.

Adalet.az xəbər verir ki, müğənni “Gün işığında” proqramında  ləhcə ilə efirdə danışmaqdan kəskin danışıb:

“Bir gənc məktəbdən ali məktəbə gəlib. Amma hələdə ləhcə ilə danışırlar. Bu düzəlməyəcək. Belə adamları efirə buraxmaq olmaz. Belə olmaz axı. Bizim ədəbi dilimiz var. Ən pis hal odur ki, bəzi müəllimlər də ləhcə ilə danışır. Bu yolverilməzdir! Olmaz belə şeylər! Ən kobud ləhcə dağlı ləhcəsidir. Mən o ləhcədə danımışam? Təbii ki, yox. Danışamaram axı, bura efirdir. Biz ekran  vasitəsiylə  cəmiyyətə  mədəniyyət aşılamalıyıq.  Ləhcə ilə danışanlara demək lazımdır ki, xanım (yaxud da bəy) diplomunu götür get. 

Efirə gəlib, deyir ki, mən jurnalist olmaq istəyirəm. Amma nitqi bərbaddır.  Mənim o qıza yazığım gəlir. Belə bir məsəl var: Ağladan yanında otur, güldürən yanında yox. Biz nə qədər yalandan gülməliyik?! Bizim tərbiyəmiz ilk növbədə danışıq üslubumuzdur, ədəbi dilimizdir. Cızıldayan çaynikləri efirə buraxmaq olmaz!”

Əntiqə Kərimzadə