İnsanların yuxuya münasibəti fərqlidir. Bəziləri çox yatmağın faydalı olduğunu, bəziləri isə yuxunun vaxt itkisi olduğunu düşünür.

Adalet.az məşhurların yuxu ilə bağlı düşüncələrini təqdim edir:

Gecə dörd saatdan çox yatmayan Napoleon Bonapart yalnız axmaqların çox yatdığını düşünürdü. O, adətən gecə saat 12-dən 2-yə və səhər saat 5-dən 7-yə qədər yatırdı.

Birinci Pyotr gecə təxminən beş saat yatırdı: gecə 3-ə qədər və gündüz bir neçə saat.

"Dəmir Ledi" Marqaret Tetçer iddia edirdi ki, yaxşı saç düzümü yataqda vaxt keçirməkdən daha vacibdir. O, gecə təxminən beş saat yatırdı.

Salvador Dali fasiləli yuxu üçün özünəməxsus metodunu icad etmişdi: o, əlində qaşıq tutaraq stulda mürgüləyirdi. Rəssam dərin yuxuya gedəndə qaşıq barmaqlarından sürüşür, metal qaba dəyir və onu oyadırdı.

Lakin Albert Eynşteyn həmişə yaxşı yuxunun məhsuldar işin açarı olduğuna inanırdı. Beləliklə, o, gecələr təxminən doqquz saat yatırdı. Hətta gündüzlər müntəzəm olaraq mürgüləyirdi.