Londonda görkəmli xeyriyyəçi Hacı Zeynalabdin Tağıyevin həyat və fəaliyyətindən bəhs edən “Tağıyev: Neft” bədii filminin təqdimatı olub.

Adalet.az xəbər verir ki, Londonun mərkəzində yerləşən Britaniya Film və Televiziya Sənətləri Akademiyasının (BAFTA) möhtəşəm “Princess Anne Theatre” zalında keçirilən təqdimatda Bakı Media Mərkəzinin rəhbəri və filmin baş prodüseri Arzu Əliyeva da iştirak edib. 

"London mənim üçün çox xüsusi bir yerdir. Hər dəfə bu filmi yenidən izləyəndə gözlərim yaşla dolur. Filmin yaradıcı heyətinə, bütün komandaya əhsən", - deyə Arzu Əliyeva filmlə bağlı təəssüratlarını bölüşərkən deyib.