ANA SƏHİFƏ / YAZARLAR

Nuşirəvan Məhərrəmli Polat Alemdarın axırına çıxdı

"Kurtlar vadisi - pusu"dan yelləncəyə qədər...

26175    |   2009-02-07 08:08
Şriftin ölçüsü:
A+ Böyütmək
A+ Balacalaşdır

Metroda mürgüləsəydim heç yuxuma da girməzdi ki, Polat Alemdarın axırı belə olacaq. Türkiyəni bir-birinə qatan, ABŞ Müdafiə Nazirliyini qəzəbnləndirən, Polat bizim Nuşirəvan Məhərrəmlinin qarşısında aciz qalacaq.
   
   Yəqin ki, söhbətin kimdən, daha doğrusu kimlərdən getdiyi məlumdu. Necə deyərlər, görünən çoxmərtəbəli binaya nə bələdçi? Yazımın qəhrəmanlarından birini bütün dünya tanıyır. "Kurtlar vadisi- pusu"dakı Polat Alemdarın adı Ələtdəki körpələr evindən tutmuş ABŞ-dakı "Ağ Evə"cən hər yerdə dillər əzbəridi. İkinci qəhrəmanımıza hələki belə xoşbəxtlik nəsib olmayıb. Yenə deyirəm, hələlik, amma işlər belə davam etsə Milli Teleradio Şurasının sədri Nuşirəvan Məhərrəmli barədə də bütün dünyada danışacaqlar. Artıq bunun işartıları görünməkdədi....
   
   Türk dilində çəkilən seriallara Azərbaycan teleməkanında qadağa qoyandan sonra Nuşirəvan müəllim haqqında təkcə Ağdaşda deyil, Ankarada da danışmağa başlayıblar. Milli Teleradio Şurasının sədri aradabir belə əcaib-qəraib qərarlara mübarək imzasını atır. Yadımdadı, bir dəfə də əlini masanın üstünə çırpıb ANS-i bağladı, mətbuat konfransı keçirib qərarından dönməyəcəyini açıqladı. Amma Nuşirəvan müəllimdən yuxarıda oturan əlini masanın üstünə ondan da bərk vurunca Milli Teleradio Şurasının sədri qərarını geri götürdü. Lakin bu dəfə vəziyyət tamam başqa cürdü. Bu həna, o hənaya oxşamır. Nuşirəvan müəllim deyir ki, bu məmləkətdə ya mən qalmalıyam, ya da Polat Alemdar.
   
   Son vaxtlar bizim telekanallara baxmıram, qonşuların, dost-tanışın rəyinə inansam, türk serialları yasaqlanandan sonra efirimiz naşı dramaturqun yazdığı pyesə oxşayır. "Kurtlar vadisi-pusu"ya, "Yapraq dökümü"nə baxmağa adət etmiş insanlar telekanallarda maraqlı heç nə tapa bilmirlər. Nə Polat Alemdarı görən var, nə də Ali Rza bəyi. Nuşirəvan Məhərrəmli bir qələmlə Polat Alemdarın qələmini qırdı. Milli Teleradio Şurasının sədri nə etdisə "Kurtlar vadisi-pusu"ya nəinki Azərbaycanda, Türkiyənin özündə də baxmaq müşkülə dönüb. Bütün rekordları qıran serialın çəkilişləri dayanıb, filmi istehsal edən "Panafilm" studiyasında qurd ulayır. Polatın sağ əli Memati bekarçılıqdan tum çırtlayır, onların sinfi düşməni İsgender Böyük yaranan fasilədən istifadə edib nəfəs dərir, göy qutabı yeyir. Necə deyərlər, Polat Alemdar kaput... Qəzetlərimiz yazır ki, Milli Məclisdəki bəzi deputatlar tələb edir ki, Milli Teleradio Şurası qərarına yenidən baxsın. Yəni türk serialları dublyajsız-filansız göstərilsin. Deyəsən, Nuşirəvan müəllimin Polatın axırına çıxdığından millət vəkillərinin xəbəri yoxdu.
   
   Milli Teleradio Şurası "Panafilm" studiyasını xaraba gününə qoymaqda olsun, sizə kimdən danışım-özümdən. O gün balaları da götürüb getdim Fəvvarələr meydanına, guya pullu adamam. Gəzintiyə təzə başlamışdıq ki, Polat Alemdarı diz çökdürən Nuşirəvan Məhərrəmli yadıma düşdü. Çünki Fəvvarələr meydanına ingilis dilində mahnı oxuyan yelləncəklər, urusca danışan fal aparatları, çin dilində qışqıran tərəzilər gətiriblər. Birdən telekanallardan biri Fəvvarələr meydanından reportaj hazırladı. Belə çıxır ki, telekanal Milli Teleradio Şurasının qərarına görə yelləncəyin, fal aparatının və tərəzinin əcnəbi dilində nə dediyini bizim dilə tərcümə eləməlidi? Sözün açığı bu sualın cavabını heç özüm də bilmirəm. Polat Alemdar kimi əjdahanı diz çökdürən Milli Teleradio Şurasının sədri Nuşirəvan Məhərrəmlidən də soruşmağa ürək eləmirəm.
   
   Yeri gəlmişkən, qəsdən yazıboyu Milli Teleradio Şurasının adını bütöv yazdım, qısaldıb mötərizəyə salmaq istəmədim. Mötərizədən heç xoşum gəlmir...


YAZARIN ARXİVİ

2020-04-17 : Canlı bir roman
2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2020-07-10


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK