hacklink Adalet.az | "BAĞIŞLAMAQ OLAR SOYUQLUĞUNU...." Adalet.az | "BAĞIŞLAMAQ OLAR SOYUQLUĞUNU...." Adalet.az | Ədalət -
ANA SƏHİFƏ / YAZARLAR

"BAĞIŞLAMAQ OLAR SOYUQLUĞUNU...."

25732    |   2008-01-22 14:10
Şriftin ölçüsü:
A+ Böyütmək
A+ Balacalaşdır

Hərdən şairlərə acığım tutur. Sanki Tanrı onları hamının əvəzinə söz deməyə, dünyanın bütün gözəlliklərini vəsf etməyə yaradıb. Əvəzində qalanları düşünmək, təzə söz demək zövqündən ( həm də əzabından) xilas edib. Baxmayaraq ki, millətin yarısı şeir yazır, ancaq kimi dindirsən, özünün yox, şairlərin sözü ilə danışacaq. Məsələn, yazın gəlişi ilə bağlı hansı uşaqdan şeir soruşsan:
   
   Gəl, gəl, a yaz günləri
   
   İlin əziz günləri
   
   şeirini söyləyəcək. Böyüklərdənsə mütləq Səməd Vurğunun
   
   Bahar nə xoş gəlir, ruha dad verir
   
   Şeirə, duyğuya qol-qanad verir.
   
   və yaxud
   
   Bahar istəklimsən başdan-binadan
   
   Ən gözəl qızısan sən təbiətin
   
    misralarını eşidəcəksən.
   
   
   
   ***
   
   Bu qış, bu da ilk qar... Heç kəslə müqayisə edilməyəcək qədər bənzərsiz şair Musa Yaqubsa lap baltanı kökündən vurub. Heç şairlərə də düşünmək yeri qoymayıb:
   
   
   
   Ulduztək üstümə səpələn, ey qar
   
   Geyindir üstümə ağappaq donu.
   
   Sənin ki, bu qədər təmizliyin var,
   
   Bağışlamaq olar soyuqluğunu.
   
   
   
   Keçən yay nəfəsimizi kəsəndə dünyagörmüşlər deyirdilər ki, qış sərt keçəcək. İndi qış sərt yox, gözəl keçir. Bilirəm, bu " gözəl" sözü çoxlarının dodağını qaçırtdı: " Əcəb gözəldi- yollar buz bağlayıb, sular donub, işə getmək olmur. İşıq, qaz da bu yandan..." Bunlar təbiidi, qayğılar, çatızmazlıqlar həmişə olub, yenə də olacaq. Ancaq qış da qış kimi keçməlidi, axı... Qış nədi, günəş çıxıb havanı qızdırdı nədi. Qışda gün çıxıb hava qızanda təbiət mənə o qədər ikiüzlü, riyakar görünür ki, ... Lap qəlbi qan ağlayan adamın təbəssümünə bənzəyir. Hələ dədə-babadan qarın torpağa gərəkliyi, ruzi-bərəkət mənbəyi olması barədə deyilənləri sadalamaq istəmirəm.
   
   Məmləkətimizin çox bölgəsində qar o qədər gec-gec yağır ki, yetərincə zövq almağa da vaxt tapmırsan. Həm də çox tez əriyir.Yaxşı ki, tez əriyir, yoxsa şəhər təsərrüfatı qışa heç zaman lazımınca hazır olmadığından, bir həftə keçməmiş hamımız cəngəlliklərdə yaşayanların gününə düşürük. Amma nə qədər çətinliklər olursa-olsun, insan onu unudub xoş xatirələri yaşatmağa çalışır... Həyatım boyu cəmi beş-altı dəfə möhkəm qar yağmasının şahidi olmuşam. Altıncı sinifdə oxuyanda kəndimizə, yalan olmasın, dizə qədər qar yağmışdı. Yadımda qalan odu ki, mal-qaranı örüşə ötürə bilmədilər, elə damdaca yemləyirdilər. Həmin gün valideynlərimin təkidinə baxmayıb qara bata-bata dərsə getdim. Məktəbə üç-dörd müəllim, beş-altı şagird gəlmişdi. Qızlardan da təkcə mən. Yaxşı ki, həmin gün dərsə getmişdim. O günün ağappaq işığını ömrümün sonunacan qəlbimdə, yaddaşımda gəzdirəcəyəm.
   
   Universitetin birinci kursunda oxuyanda da Bakıya möhkəm qar düşdü.Yaşadığım binanın həyətində sürüşüb arxası üstə yıxılmağım yadıma düşəndə indi də kefim durulur, gülümsəməkdən özümü saxlaya bilmirəm. Sonralar da qar yağdı... Ən çox qorxduğum şey küçədə oğlanların qızları qara basmasıydı. Kirayə qaldığım evin sahibəsi də bunu bilirdi və həmişə mənə gülürdü. Bir dəfə yenə qarlı gündə geyinib pəncərədən bayıra baxırdım, ürəyimdən qara qanlar keçirdi. Ev sahibəsi başını bulayıb təəssüflə: Ay-hay,- dedi,- kaş, indi sənin kimi cavan qız olaydım, dərsə gedəydim, oğlanlar da məni qara basaydılar... Rayonda işləməyə başladığım ilk qışı, ilk qarı da xoş duyğularla xatırlayıram. Bir də... qarlı-şaxtalı qış gecəsində o zamankı " Avrora" kolxozunun maldarlıq fermasında axşam sağımında iştirak etdiyimi unuda bilmirəm...
   
   
   
   Ulduztək üstümə səpələn ey qar,
   
   Belə təmizliklə isinmək olar.
   
   
   
   Ancaq...Görünür, insanlara həmişə təmizlik gərək olmur.
   
   
   
   P.S. Axşam saat 6-da işdən qayıdanda binamızın arvadları zir-zibili, kağız-kuğuzu kiçik su nasoslarının altına yığıb mini tonqallar qalamışdılar ki, boruların donu açılsın. Salam verib yavaşca yanlarından keçdim. Yaxşı ki, qəzet-zad oxumurlar, yoxsa, qardan-şaxtadan xoşlandığımı bilib topa tutarlar məni...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-12-05


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (86.36%)
Pullsuz (13.64%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK