hacklink Adalet.az | DOST ƏLİNİN İSTİSİ Adalet.az | DOST ƏLİNİN İSTİSİ Adalet.az | Ədalət -
ANA SƏHİFƏ / YAZARLAR

DOST ƏLİNİN İSTİSİ

30196    |   2008-01-22 00:21
Şriftin ölçüsü:
A+ Böyütmək
A+ Balacalaşdır

Adətən kiminsə yaşı artıb yuvarlaq rəqəmə ilişəndə görürsən ki, əlində bir çanta dəftər-kitab girdi redaksiyanın qapısından içəri - "salam əleyküm, mən filankəsəm, nə bilim bu məmləkətin kənd təsərrüfatı mənsiz yerlə-yeksan olardı, ya da səhiyyə sistemi mənsiz mövcud ola bilməzdi. Ya da mətbuatımıza, ədəbiyyatımıza filan qədər töhfə vermişəm, məni təbrik edin". Üz üzdən utanır, heç kimin üzünə demək olmur ki, qardaşım, sən belə dahisənsə, niyə qapı-qapı düşüb özünü təqdim edirsən (olmağına bu məmləkətdə vəzifəli qohumları yoxdursa, heç dahiləri də itirib-axtaran yoxdur, amma heç olmasa üzdən tanıyıblar, adını eşidiblər).
   
   Bu dəfə belə olmadı. Özüm xatırladım ki, çox yaxın bir dostumun ad günüdür. Özü də yaşının müdrik çağına qədəm qoyur. Rəqəm deməyəcəm - qadınlar yaş məsələsində həssasdırlar. Desəm ki, dostluğumuz uzun illərə dayanıb, düz olmayacaq. Mən onu uşaqlıqdan tanımıram. Gəncliyimiz... Burda bir az ilişəcəm - çünki jurnalistika fakültəsinin birinci kursuna daxil olanda o, artıq beşinci kursda idi. Eyni fakültədə oxusaq da, tanış olmamışıq. Sonralar Dövlət Televiziyasında bir yerdə çalışdıq, yenə ayrı-ayrı redaksiyalarda. Yəni demək istədiyim odur ki, çoxdan tanış olsaq da yaxın deyildik. İnsanın ömrü boyu özü üçün elədiyi kəşflər olur. Bəzən tələbəlikdən üzü bu tərəfə yol getdiyim adamlarda elə qəribə keyfiyyətlər aşkar eləmişəm ki, heyrətlənmişəm. Görünür, yaş bu mənada da öz işini görür, gənclikdə azacıq yaxşı görünən simaları bircə qırış, bircə cizgi eybəcər günə qoyursa, xarakter də elədi - illər insanın əsl mahiyyətini üzə çıxarır.
   
   ... İllər. Yox, pafoslu, romantik nitq söyləmək fikrim yoxdur. Amma bu illərə hər halda minnətdaram. Özümü könüllü həbs etdiyim və sonradan öz hökmümlə azad olduğum məhbəsdən çıxanda yenə rastlaşdıq. İşə qayıtmaq istəyirdim və getdiyim TV kanalında qarşıma çıxdı. Elə səmimi, elə mehriban görüşdük ki... Dedim axı, əvvəllər elə münasibətimiz olmamışdı. Amma deyəsən mənim ruh halımı duymuşdu. O vaxt həmin iş alınmadı - TV kanalı bağlandı. Bir il sonra heç gözləmədiyim halda evə telefon etdilər:
   
   - Gəl, canım, sabah səni gözləyirik.
   
   Alt-üst oldum. Səhərə qədər yatmadım da. Gedim, getməyim? Yaşımın bu vaxtında yenidən özümü isbat etmək çox ağırdı. Gedim, getməyim? Gedim?..
   
   
   
   ***
   
   İndi mən neçə il əvvəlki bu olayları xatırlaya-xatırlaya yazımı yazarkən telefon zəng çalır. Bilirəm ki, odur. Bizim rabitə antenalarımızın gücü telefonun nəql sürətindən artıqdır:
   
   - Aşqım, aşqım, neyləyirsən?
   
   - Sənin haqqında yazı yazıram.
   
   - Mənim haqqımda?
   
   - Hə, ad günün yaxınlaşır.
   
   - Nə yazırsan, roman?
   
   - Oxuyarsan.
   
   - Hə, onda mənim sübh tezdən doğulduğumu da yaz.
   
   - Deyirəm axı, niyə belə uğur gətirən adamsan. Səhər doğulanlar xeyirli insanlardı.
   
   - Mən heç bilmirdim.
   
   - Görürsən, bunu da öyrəndin məndən. Mənsiz neyləyərdin, hə?
   
   - Aşqım, aşqım...
   
   
   
   ***
   
   Əslində mən bu yazını portret-oçerk janrının tələblərinə uyğun olaraq belə başlamalıydım: Suğra Rəhimova əmək fəaliyyətinə 80-ci illərdə Azərbaycan Dövlət Televiziyasında başlayıb. Sadalamalıydım ki, Suğra xanım bir sıra redaksiyalarda çalışıb. Uğurlu proyektlərə imza atıb. Və sonra da yazmalıydım ki, qədirbilən xalqımız onun zəhmətini yüksək qiymətləndirib. Bu "qədirbilən" ağ oldu deyəsən. Əvvəlki cümlələr öz yerində, amma televiziya məkanına aid "qədirbilən" sözünü işlətmək olmur. Bura "yırtıcı" sözü daha uyğundu, çünki bu aləmdə belə adamlara hər addımda rast gəlirsən və hər addımdan sonra itələnib yıxılmaq qorxusu da var. Portret-oçerk alınmır deyəsən. Eh, nə fərqi var. Televiziya aləmində onu yaxşı tanıyırlar. Neçə illərdi fəhləlik eləyir bu sahədə. Özü də istedadına inandığı, sevdiyi insanlar üçün fədakarlıq edir. Yəni yazı-pozu aləmində, sənət aləmində hər kəs adı üçün əlləşərkən o həmin adların daha gözəl təqdimatı üçün çalışıb. Öz dərin savadını, biliyini, bacarığını sevdiklərinə xərcləyib. Suğra bizim qadınlarda az-az rast gəlinən bir keyfiyyətə malikdir - eruditdi, böyük mütaliəsi var, milli köklərinə də, bəşəri dəyərlərə də çox bağlıdır. Yenə Nazim Hikməti xatırlayacam: "Şair ola bilərdin, professor oldun". Mən də belə deyim: "Yazar ola bilərdin, redaktor oldun".
   
   
   
   ***
   
   - Bilirsən, neçə illər arzulamışam əlimdə mikrofon İstanbulda, Gülhanə parkında ceviz ağacının altında Nazim haqqında söz deyim.
   
   - Suğra, Gülhanə parkında ceviz ağacı yoxdu. İnşallah, özün gedib görəcəksən.
   
   Bu söhbətin üstündən də neçə illər keçib. Suğra İstanbula gedib, amma soruşmamışam Gülhanə parkında olub-olmadığını. Fərq eləməz - ceviz ağacı bizim göyərib çiçəklənməyən istəklərimizin ağacıdır. Ölən istəklərimizin. Bizim ürəyimiz bu istəklərin məzarlığıdır. Amma... Deyirlər insan yeməksiz qırx gün, susuz dörd gün, havasız dörd dəqiqə, ümidsiz dörd saniyə yaşaya bilər. Var olsun ümidli günlərin işığı olan insanlar.
   
   
   
   ***
   
   - Fikirləşdim ki, danışmağımıza ehtiyac var.
   
   - Düz elədin, sənin zəngini gözləyirdim...
   
   Nə qədər olub belə söhbətlər? Hesabını itirmişəm. Telefonlara qulaq asan varsa, bizim danışdıqlarımız çox qəribə görünəcək. Fəlsəfədən, tarixdən, ədəbiyyatdan. İki qadın yüksək materiyalar haqqında mübahisə edir. Bizim məmləkət üçün gülməlidi, deyilmi? İndi telefon danışıqlarına limit qoymaq istəyirlər deyəsən. Vay, vay, biz həmin limiti bir gündə xərcləyəcəyik. Suğranın belə keyfiyyətləri də var ha. Mənim kimi adamayovuşmaz, dinməz-söyləməz birisini danışdıra bilir.
   
   ... Yubiley yazısı alınmır nəsə. Təmtəraqlı sözlər, tost-təriflər alınmır. Halbuki xatırlanacaq çox şeylər var. Amma çox özəldi, kimsəylə bölüşmək istəmirəm. Bioqrafiyanı da yazmaq fikrim yoxdur. Bu qarmaqarışıq, hərənin bir tərəfə çəkdiyi mühitdə ləngər saxlamaq ağır işdi. Bu ləngərin tarazlığını qoruyan ilkin şərt isə səmimiyyətdi və fikrim budur ki, səni büdrəyib yıxılmağa qoymayan, hətta bizlərə də dayaq edən bu keyfiyyətdi. İnamı itirmək də ağır işdi, inam yamaq götürmür, mala götürmür. Bu olanın olmadığı, olmayanın olduğu bir zamanda sənin kimi insanlara ehtiyac çoxdur. Ümidini, inamını qoru, dostum!
   
   
   
   ***
   
   - Əzizim, bir şəkil ver mənə, qəzet üçün.
   
   - Lazım deyil. Qoy innoqnito qalsın, aşqım-aşqım...
   
   Evdə öz şəkillərimin içində axtarıb ancaq bu fotonu tapdım. Mən əlimi onun çiyninə qoymuşam. Amma neçə ildir ki, onun əlinin istisini çiynimdə hiss edirəm...
   
   P.S. Bu dost yazısı oldu, yubiley yazısı olmadı...
   
   
   
   İradə TUNCAY


İmza:

YAZARIN ARXİVİ

2019-04-07 : Olsunmu?!
2018-09-22 : LEYSAN ÖZLƏMİ
2018-06-23 : İNSAN
2018-05-27 : 100 cavan oğlan
2018-05-10 : SEÇİLMİŞ
2018-02-13 : Qızım...
2018-02-09 : GEDİŞ
2018-01-19 : MÜƏLLİM
2017-11-25 : Sincab günü
2017-09-24 : Miqr - A - siya
2016-12-16 : CANAVAR VAXTI
2016-07-04 : Polis günü...
2014-12-11 : SEÇİLMİŞ
2014-11-07 : BU DA MƏN...
2014-08-21 : BEŞ
2014-04-02 : Elegiya
2014-03-14 : Quo vadis?..
2012-11-02 : ƏQRƏB BÜRCÜ
2012-10-11 : KÖRPÜ
2012-08-18 : NEKROFİLİYA...
2012-06-23 : İNSAN
2012-02-22 : SOYQIRIM
2011-12-15 : CANAVAR VAXTI
2011-10-29 : Yol ROMANI
2011-10-22 : Yol ROMANI
2011-10-08 : Yol ROMANI
2011-10-05 : MÜƏLLİM GÜNÜ
2011-05-21 : TELESKOP
2011-04-30 : MAY NƏĞMƏSİ
2011-04-23 : SEVGİ ADASI
2011-04-16 : SEVGİ ADASI
2011-04-09 : SEVGİ ADASI
2011-03-12 : MÜƏLLİM
2010-12-18 : MÜSAHİBƏ
2010-10-02 : WOMAN IN LOVE
2010-09-22 : LEYSAN ÖZLƏMİ
2010-05-08 : SEÇİLMİŞ
2010-05-01 : MAY NƏĞMƏSİ
2009-11-14 : SARI ODALAR
2009-08-22 : BEŞ
2009-05-19 : ATA OLMAQ HAQQI
2009-03-20 : ƏNƏNƏLƏR
2009-02-28 : FALA BAXIRAM
2009-02-07 : ANANIN KİTABI
2009-01-31 : BLOKADA
2009-01-24 : YADA DÜŞDÜ
2009-01-17 : İKİ SEVGİ
2008-12-31 : BİS SEXTUS...
2008-07-12 : SEZON FİNALI
2008-06-28 :
2008-06-24 : İNSAN
2008-06-21 :
2008-06-07 : NATURALİST YAZI
2008-05-31 : 555
2008-05-24 : YÜZ CAVAN OĞLAN
2008-05-17 : SORĞU
2008-05-03 : MAY NƏĞMƏSİ
2008-04-26 : ƏLAC NƏDİR?
2008-04-05 : DEPRESSİYA
2008-03-20 : ƏNƏNƏLƏR
2008-03-15 : QUO VADIS?..
2008-03-12 : ETİRAF
2008-02-16 : PAY
2008-02-12 : MƏN VƏ SƏN
2008-01-08 : İKİ ÜZLÜ AY
2007-12-12 : SEÇİLMİŞ
2007-11-24 : RƏĞBƏT
2007-11-17 : AY ÖLKƏSİ
2007-11-15 : ƏZİZ İNSAN
2007-10-06 : YOLDAŞ ÇE
2007-09-29 : DAMA ÇIXAQMI?
2007-09-15 : LEYSAN ÖZLƏMİ
2007-09-11 : BİR GÜN...
2007-07-09 : SƏS
2007-06-30 : HAVA AXINLARI
2007-06-23 : İNSAN
2007-06-09 : İMTAHAN
2007-05-26 : J F K
2007-05-19 : ATA OLMAQ HAQQI
2007-05-09 : SEÇİLMİŞ
2007-05-05 : BƏHANƏ
2007-04-28 : NAĞIL
2007-03-10 : İT DƏFTƏRİ
2007-03-08 : QADIN BAYRAMI
2007-02-24 : SOYQIRIM
2007-02-17 : KÖRPÜ
2007-02-16 : TƏZADLAR
2007-02-16 : İMTAHAN
2007-02-16 : SAKİT MÖVSÜM
2007-02-16 : MÜƏLLİM GÜNÜ
2007-02-16 : DAŞ
2007-02-12 : QƏLƏBƏ GÜNÜ
2007-02-10 : MÖVZU
2007-01-27 : İKİ ÜZLÜ AY
2007-01-20 : SAKİT MÖVSÜM
2007-01-13 : Ehtiyac
2006-12-30 : HƏMRƏYLİK
2006-12-16 : CANAVAR VAXTI
2006-12-13 : QOVŞAQ
2006-12-09 : QOVŞAQ
2006-11-25 : ZƏİF BƏND
2006-11-11 : ƏQRƏB BÜRCÜ
2006-11-04 : PASSİO
2006-10-28 : ŞƏKİLÇİ
2006-09-25 : DAŞ
SON XƏBƏRLƏR
2019-12-09


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (87.5%)
Pullsuz (12.5%)

ÇOX OXUNAN
GÜNÜN LƏTİFƏSİ

Yəhudilərin ofisi. Bir yəhudidən soruşurlar:

- Hara baxırsan, yəhudilər - ABŞ, Fransa, İngiltərə, Polşa, Rusiya, hətta Almaniya. Bu qədər çoxsunuz, böyüksünüz, bəs, niyə İsrail bu qədər balacadı?

Yəhudi deyir:

- Ora bizim ofisimizdi.





digər lətifələr
ARXİV
FACEBOOK