ANA SƏHİFƏ / İQTİSADİYYAT

Naxçıvanda Türkiyənin ticarət müşaviri fəaliyyətə başlayıb

19663    |   2019-12-26 18:00
Şriftin ölçüsü:
A+ Böyütmək
A+ Balacalaşdır

Bu gün İqtisadiyyat naziri Mikayıl Cabbarov Azərbaycanda səfərdə olan Türkiyənin Ticarət naziri Ruhsar Pekcanın rəhbərlik etdiyi nümayəndə heyəti ilə görüşüb.

İqtisadiyyat Nazirliyindən verilən məlumata görə, görüşdə İqtisadiyyat naziri vurğulayıb ki, hər iki ölkənin dövlət başçılarının səmimi münasibətləri Azərbaycan-Türkiyə əməkdaşlığının inkişafını şərtləndirən əsas amillərdəndir və qarşılıqlı hörmətə, dostluğa, qardaşlığa əsaslanan əlaqələrimiz yüksələn xətlə inkişaf edir.

Nazir qeyd edib ki, Türkiyə və Azərbaycan region və dünya üçün böyük əhəmiyyət daşıyan enerji və nəqliyyat layihələrini uğurla həyata keçirir, İqtisadiyyat naziri Azərbaycanda həyata keçirilən davamlı islahatlar, əlverişli biznes və investisiya mühiti barədə qonaqlara ətraflı məlumat verib, iqtisadi-ticarət əməkdaşlığının genişləndirilməsi istiqamətlərini diqqətə çatdırıb.

Məlumata görə, Azərbaycana səfərindən məmnunluğunu ifadə edən Türkiyənin Ticarət naziri Ruhsar Pekcan iki ölkə arasında əlaqələrin yüksək səviyyədə olduğunu vurğulayıb və iqtisadi əməkdaşlığın inkişafı perspektivləri barədə fikirlərini bölüşüb.

Ruhsar Pekcan ölkəsinin Azərbaycanla qarşılıqlı ticarət dövriyyəsinin artırılmasında maraqlı olduğunu, Naxçıvan MR-da Türkiyənin ticarət müşavirinin fəaliyyətə başlamasının ticarət əlaqələrinin genişlənməsinə töhfə verəcəyini bildirib.

Hhəmçinin, iqtisadiyyatın müxtəlif sahələrində, o cümlədən ticarət, nəqliyyat-tranzit, gömrük, turizm, təhsil və digər sahələrdə əməkdaşlığın inkişafı, nou-hauya əsaslanan bilik mübadiləsinin həyata keçirilməsi və qarşılıqlı maraq doğuran digər məsələlər müzakirə edilib.

Həmin gün İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan-Türkiyə işgüzar görüşü keçirilib. Tədbirdə hər iki tərəfdən rəsmi şəxslərlə yanaşı, sənaye, kənd təsərrüfatı, nəqliyyat, tikinti, ticarət, turizm və digər sahələrdə fəaliyyət göstərən iş adamları iştirak ediblər.

Tədbirdə çıxış edən İqtisadiyyat naziri Mikayıl Cabbarov diqqətə çatdırıb ki, işgüzar görüşdə iki ölkənin müxtəlif sahələrdə fəaliyyət göstərən iş adamlarının təmsil olunması qarşılıqlı əməkdaşlığa böyük marağı ifadə edir. Azərbaycan Respublikasının Prezidenti cənab İlham Əliyevin qardaş Türkiyə ilə iqtisadi-ticarət əlaqələrinə böyük önəm verdiyini vurğulayan nazir iki ölkə arasında ticarət dövriyyəsinin 15 milyard dollara çatdırılmasının hədəf kimi müəyyənləşdirildiyini diqqətə çatdırıb.

"Ölkələrimiz arasında ticarət dövriyyəsinin artırılması üçün böyük imkanlar var və bu istiqamətdə tədbirlər davam etdirilir. İkitərəfli əməkdaşlıqda ticarət sahəsinin əhəmiyyətini vurğulayan İqtisadiyyat naziri qeyd edib ki, Azərbaycan və Türkiyə arasında ticarət dövriyyəsinin artım tendensiyası davam edir. Bununla yanaşı, həyata keçirilən tədbirlər ticarət dövriyyəsinin daha da artmasına, strukturunun şaxələndirilməsinə geniş imkanlar yaradacaq" -deyə o,bildirib.

İki qardaş ölkə arasında iqtisadiyyatın bir çox sahələrində, o cümlədən investisiya, enerji, sənaye, nəqliyyat, İKT, kənd təsərrüfatı, ticarət, təhsil və s. sahələrdə əməkdaşlıq imkanlarının geniş olduğunu diqqətə çatdıran Mikayıl Cabbarov iş adamlarını bu imkanlardan yararlanmağa dəvət edib. Bildirilib ki, 2020-ci ilin fevral ayında Azərbaycan və Türkiyə iş adamlarının iştirakı ilə ölkəmizin sərmayə imkanlarının təqdimatının keçirilməsi nəzərdə tutulur ki, bu da ticarət əlaqələrinin inkişafında önəmli rol oynayacaq.

Türkiyənin Ticarət naziri Ruhsar Pekcan iqtisadi-ticarət tərəfdaşlığının inkişafı üçün geniş potensial olduğunu vurğulayıb, bugünkü görüşün, aparılan müzakirələrin biznes dairələri arasında əlaqələrin genişləndirilməsində əhəmiyyətini qeyd edib. Türkiyəli nazir sahibkarları daha fəal əməkdaşlığa, qarşılıqlı sərmayə qoyuluşlarını artırmağa dəvət edib.

Qeyd edək ki, görüşdə iştirak edən Türkiyənin Xarici İqtisadi Əlaqələr Qurumunun (DEİK) sədri Nail Olpak ölkələrimiz arasında iqtisadi əlaqələrin inkişafı perspektivləri barədə fikirlərini bölüşüb.

Tədbir çərçivəsində sahibkarlar biznes əməkdaşlığının genişləndirilməsi məsələlərini müzakirə ediblər.




İmza:

Bir sıra dövlət müəssisələrinin maliyyə vəziyyəti ürəkaçan deyil - Samir Şərifov

İyunun 2-də dolların manata qarşı məzənnəsi

BP Azərbaycanda sosial layihələrə 86 milyon dollar xərcləyib

Elman Rüstəmov: Bağlanan banklarda qorunan əmanətlər 680 milyon manatdır

Dövlət Neft Fondunun Fransadakı investisiya portfeli açıqlandı

İyunun 1-də dolların manata qarşı məzənnəsi

Mayın 31-də xarici valyutaların manata qarşı məzənnələri

Azərbaycanda 4 ayda 170 min tondan çox ət istehsal edilib

Varlanmaq üçün iqtisadiyyatın ən perspektivli sahələrinin reytinqi açıqlanıb

Bağlanan bankların əmanətçilərinin NƏZƏRİNƏ - Təzminatların alınması üçün şərtlər açıqlandı

İpoteka kreditləşməsi üzrə müqavilə münasibətlərinin rəsmiləşdirilməsinin notarius tərəfindən sadələşdirilməsi imkanları

“AzerGold” QSC Çovdar yatağı üzrə resursların ciddi artımına nail olub

SON XƏBƏRLƏR
2020-06-02


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK