Film izle hacklink kiralık bahis sitesi satılık bahis sitesi Adalet.az | BMT-nin Baş katibi: "Cinayətkarların gəlir məqsədilə insanları amansızcasına..." Adalet.az | BMT-nin Baş katibi: "Cinayətkarların gəlir məqsədilə insanları amansızcasına..." Adalet.az | Ədalət -
ANA SƏHİFƏ / DÜNYA

BMT-nin Baş katibi: "Cinayətkarların gəlir məqsədilə insanları amansızcasına..."

13248    |   2019-07-30 11:11
Şriftin ölçüsü:
A+ Böyütmək
A+ Balacalaşdır

30 iyul - Ümumdünya İnsan Alverinə Qarşı Mübarizə günüdür. Bununla bağlı BMT-nin baş katibi Antonio Quterreş beynəlxalq ictimaiyyətə müraciət edib.

Adalet.az-ın məlumatına görə, müraciətdə deyilir:

"İnsan alveri bütün dünyanı hər bir yerinə mənfi təsir edən dəhşətli cinayətdir. BMT-nin Narkotiklər və Cinayətlər üzrə İdarəsinin (UNODC) məlumatına görə, qeydə alınmış qurbanların təxminən 72 faizini qadın və qızlar təşkil edir, zərərçəkmiş uşaqların sayı isə 2004-cü ildən 2016-cı ilə qədər iki dəfədən çox artıb. Qeydə alınmış qurbanların əksəriyyəti cinsi istismar məqsədilə insan alverinə cəlb olunur. Digər səbəblər sırasında məcburi əmək, uşaqların hərbi fəaliyyətə cəlb olunması və digər istismar və sui-istifadə hallarını qeyd etmək olar.

İnsan alverçiləri və terrorçu qruplar yoxsul şəraitdə yaşayanlardan tutmuş, müharibə vəziyyətində olan və ya ayrı-seçkiliklə üzləşən insanlara kimi çətin vəziyyətdə olanları hədəfləyirlər. BMT-nin Xoşməramlı səfiri kimi xidmət edən ilk insan alveri qurbanı Nadya Murad, insan alverini dayandırmaq və münaqişə şəraitində seksual zorakılığın qarşısının almaq üçün beynəlxalq tədbirlərin təşviqinə görə 2018-ci ildə haqlı olaraq Nobel Sülh Mükafatına layiq görülənlərdən biri olub.

Silahlı münaqişələr, əhalinin köçürülməsi, iqlim dəyişikliyi, təbii fəlakətlər və yoxsulluq, insan ticarətinin inkişafına yol açan zəifliyi və ümidsizliyi daha da artırır. Miqrantlar daim hədəfdədir. Dəhşətli və amansız sövdələşmələri həyata keçirən insan alverçiləri və miqrant qaçaqmalçılarının üzündən minlərlə insan dəniz, səhra və həbsxanalarda öz həyatlarını itirib.

Lakin ətrafımızda baş verən zorakılıq və istismara olan laqeydlik də ağır itkilərə gətirib çıxarır. Həqiqətən də, tikintidən tutmuş ərzaq və istehlak mallarının istehsalına qədər saysız-hesabsız biznes və müəssisələr bu məzlum vəziyyətdən faydalanır.

Çoxtərəfli fəaliyyət sayəsində inkişaf əldə olunub. Palermo Konvensiyası və onun insan, xüsusilə də qadın və uşaq alverinin qarşısının alınması, azaldılması və cəzalandırılması haqqında protokolunun vasitəsilə atılan addımlar buna nümunədir. Əksər ölkələrdə lazımi qanunlar mövcuddur və bu yaxınlarda bəzi ölkələr insan alverinə görə məsuliyyət daşıyanları məsuliyyətə cəlb edib. Lakin transmilli insan alveri şəbəkələrinin məsuliyyətə cəlb etmək və, ilk növbədə, qurbanların müəyyənləşdirilməsini və onların ehtiyac duyduğu müdafiə və xidmətlərə çıxışını təmin etmək üçün daha çox işlər görülməlidir.

Dayanıqlı İnkişaf Məqsədləri sui-istifadə və istismarın qarşısını almaq, qadın və qızlara qarşı hər cür zorakılığı aradan qaldırmaq, məcburi əmək, eləcə də uşaq əməyinə son qoymaq üçün aydın hədəfləri əhatə edir. Gəlin, bu Ümumdünya İnsan Alverinə qarşı Mübarizə Günündə cinayətkarların gəlir məqsədilə insanları amansızcasına istismar etməsini dayandırmaq və qurbanların öz həyatlarını bərpa etməsinə yardım etmək öhdəliyinə sadiqliyimizi bir daha bəyan edək".




İmza:
SON XƏBƏRLƏR
2019-10-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (85.71%)
Pullsuz (14.29%)

ÇOX OXUNAN
GÜNÜN LƏTİFƏSİ

Millət vəkili Elman Məmmədov bir tədbirdən çıxanda bir xanım ona yaxınlaşaraq:

- Müəllim, səhv etmirəmsə, siz mənim uşaqlarımdan birinin atasısınız.

Elman müəllim təlaşla:

- Məəən?

Xanım:

- Müəllim, təlaşa düşməyin, mən müəlliməyəm, dərs dediyim uşaqları nəzərdə tuturam.





digər lətifələr
ARXİV
FACEBOOK