Film izle hacklink kiralık bahis sitesi satılık bahis sitesi Adalet.az | AQİL ABBAS: ƏVVƏL 1 KREML VARDI, İNDİ 40 DƏNƏ Adalet.az | AQİL ABBAS: ƏVVƏL 1 KREML VARDI, İNDİ 40 DƏNƏ Adalet.az | Ədalət -
ANA SƏHİFƏ / YAZARLAR

AQİL ABBAS: ƏVVƏL 1 KREML VARDI, İNDİ 40 DƏNƏ

7451    |   2019-01-21 10:15
Şriftin ölçüsü:
A+ Böyütmək
A+ Balacalaşdır

O bir Kremli bir təhər yola verə bilirdik, amma indi qırx Kremllə savaşmağa gücümüz çatmır. Avropanın müxtəlif şəhərlərinə səpələnmiş kremllər iyləyib-qoxulayıb mütləq nəsə bir şey tapırlar, sonra da it-qurd kimi tumanlarını da çırmayıb başlarına tökülürlər üstümüzə.

Avropa Parlamenti yenə qılıncını sıyırıb. Bu dəfə əllərinə verdiyi tutalqa Mehman Hüseynovdu. Mehmanı Çarlz Xeyderə döndəriblər. Siz uşaqsınız, bilməzsiniz. Vaxtilə 70-ci illərdə ABŞ-da bir Çarlz Xeyder peyda olmuşdu, nəyəsə etiraz əlaməti olaraq Ağ Evin qabağındakı göy çəmənlikdə oturub aclıq aksiyası keçirirdi. Sovet hökuməti elə gün olmazdı ki, ondan televiziyalarda reportaj göstərməsin, müsahibə almasn, qəzetlər ondan yazmasın. Təbii ki, sosialist dövlətləri də bizimlə həmrəy idi. Deyəsən, 70 gün çəkdi aclığı. O qədər onun haqqında yazdılar, danışdılar ki, sonralar anekdota çevrildi: cibindən bublik çıxıb, özü də Sovet bubliki. Gecələr xımır-xımır «Mişka» şokoladı yeyir, arıqlamaq əvəzinə kökəlib. ABŞ-ın o zamankı prezidenti də səhər-axşam işə gəlib-gedəndə ona «vazduşnı» bir salam göndərirdi.

İndi də Mehman Hüseynov. Avropa Parlamentində müzakirə olunur. Bir müzakirə olunub, indi ikincisi də olacaq. Elə şər-şəbədə qalmayıb ki, atmayalar üstümüzə. Azərbaycanın artan nüfuzuna kölgə salmaq, zərbə vurmaq üçün Avropa Parlamentinin deputatları bütün ölkələrin proletarları kimi birləşiblər.

Baxıram, politoloqlar, yazarlar, deputatlar müxtəlif formalarda öz etirazlarını bildirirlər: «Niyə Dilqəm Əsgərovun taleyini müzakirə etmirlər?», «Niyə bir milyon qaçqının taleyi onları düşündürmür?», «Niyə sarı jiletlilərə qarşı törətdikləri vəhşiliklər, cinayətlərə görə Fransanın prezidenti Makrona gözün üstə qaşın var demirlər?» və sair və ilaxır.

Niyələr çoxdur. Amma məsələ ondadır ki, Avropadakı o qırx Kreml bizim kimi gənc respublikaları təzyiq altda saxlamaq üçündü, inkişafının qarşısını almaq üçündü. Liviya, Tunis, İraq , Suriya və sair və ilaxır kimi ölkələrə girdirmə demokratiya sırıyıb məhv eləmək, sonra da var-dövlətlərini sovurub aparmaq üçündü. Belə girdirmə demokratiyadan bizə də sırımaq istəyirlər, özü də neçə illərdi. Amma sırıya bilmirlər, gücləri çatmır. Möhtərəm prezidentimiz İlham Əliyevin apardığı müdrik, uğurlu xarici və daxili siyasətin nəticəsində hər dəfə əlləri boşa çıxır. Yenə həmin dalğa, həmin koordinant. Bizim insan hüquqları müdafiəçilərimiz də getdilər görüşdülər, xarici ölkələrin nümayəndələri də gedib Mehmanla bir qismət çörək kəsdilər, şəkillərini paylaşdılar, bu gənc özü də ictimaiyyətə müraciət elədi. Yox ey, niyə başında papaq yoxdu? Hazırda istintaq gedir, istintaqın nəticəsi məlum deyil. Amma Avropa Parlamenti tumanını yenə çırmayıb başına. Yox ey, Mehman Hüseynova azadlıq! Allah qapısını açsın. Kim nə deyir ki?! Ziyalılarımız da, hətta millət vəkillərimiz də onun tezliklə azadlığa qovuşmasını istəyir. Gəncdir, səhv edə bilər , bütün gənclər kimi. Və Mehman Hüseynov təhqir və böhtana görə Cinayət Məcəlləsinin müvafiq maddəsi ilə məsuliyyətə cəlb olunmuşdu . İndi də həbsxanadakı məlum bir hadisəyə görə cinayət işi qaldırılıb, bildiyim qədər heç ona qarşı ittiham da irəli sürülməyib. Bəlkə bəraət alacaq, bir gözləyin də. Yox, gözləməzlər. Sonra bəhanə əldən çıxacaq axı?

Nə isə, bu Avropa Parlamentidi! Bir kənddə kolxozun hesabat yığıncağıdı, həm də sədr seçəcəklər. Həsənqulu kişi durur ayağa, başlayır sədri möhkəm tərifləməyə. Yer-yerdən deyirlər ki, a kişi, çıxardırlar ey, baxıb görür vəziyyət yaxşı deyil, deyir:

- Bu bizim sədrin yaxşı tərəfləri, indi də keçək onun pis tərəflərinə.

İndi bu Avropa Parlamentinin pis tərəfləri. İndi də keçək bizim pis tərəflərimizə. Bu oyunu kimlər oynayıb, kimlər Avropa Parlamentinə tutalqa verib? Bir onların yaxasından yapışmaq gərəkdir ki, sizə Mehman Hüseynov şousu lazım idimi?

Bu gənc od olub haranı yandırasıydı ki? Amma siz onu od elədiniz və Avropa Parlamenti də bizdən aldığı benzini bu odun üstünə töküb onu daha da alovlandırır.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-19
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK