nulled forum sanal pezevenk hacklink satın al hacklink al Sit Giriş Hack haber epin scripti warez forum warez script hacklink nulled scripts warez forum xenforo nulled hack forum spyhackerz warez php script Adalet.az | Aqil ABBAS: Vay dədəm vay, korrupsiyanın yekəliyinə bax ey… Adalet.az | Aqil ABBAS: Vay dədəm vay, korrupsiyanın yekəliyinə bax ey… Adalet.az | Ədalət -
ANA SƏHİFƏ / YAZARLAR

Aqil ABBAS: Vay dədəm vay, korrupsiyanın yekəliyinə bax ey…

29652    |   2018-03-09 10:00
Şriftin ölçüsü:
A+ Böyütmək
A+ Balacalaşdır

Mətbuatda oxudum ki, Təhsil Nazirliyi müəllimələrdən tələb edib ki, 8 Martda heç bir hədiyyə qəbul etməsinlər. Kəsəsi, cəzalana bilərlər. Yaxşıdı, gözəl tələbdi, amma bir əmması var…

Ailədə 8 uşaq olmuşuq, eyni vaxtda hamımız da bir məktəbdə oxumuşuq. Böyüyümüz, yəni mən, 10-cu sinifdə oxuyanda kiçik bacım 1-ci sinifdə oxuyurdu. Və 8 Mart gələndə təbii ki, müəllimələrimizə hədiyyə aparardıq. Özü də müəllimələrimiz bir deyildi, hər birimizə 3-4 müəllimə dərs deyirdi. Səkkizi vur dördə, deməli otuz iki hədiyyə edirdi və bəlkə də çox.

Şəxsən mənə yeddi müəllimə dərs deyirdi: Fiturist müəllimə, fizika - Leyla müəllimə, tarix - Səmayə müəllimə, Azərbaycan dili - Xavər müəllimə, coğrafiya - Adilə müəllimə, ədəbiyyat - Ziba müəllimə, riyaziyyat – Gülər müəllimə. Yerləri behişt olsun, analarımız qədər çox istəyərdik, onlar da bizi balaları kimi sevərdi. Lap son Adilə müəllimə rəhmətə getdi, təxminən il yarım bundan əvvəl. Qaçqın kimi Mingəçevirə sığınmışdı. Axtarıb tapmışdım. Mingəçevirə yolum düşən kimi gedib bir stəkan çayını içərdim, çığırtmasını yeyərdim. Mənimlə fəxr edərdi, şəklimi də böyütdürüb vurmuşdu divara. Hərdən xətkeşlə əllərimizə döyərdi, amma buna görə valideynlərimiz gəlib məktəbdə şüvən çıxarmazdı.

Hədiyyələri anam seçərdi. Atamın bir aylıq maaşı yox ey, bir aylıq qazancı gedərdi bu hədiyyələrə. Amma çox xoş idi. Ancaq bu hədiyyələrin bizim təhsilimizə heç bir dəxli yox idi. Bu hədiyyələrə görə müəllimələr «3»lə oxuyan qardaş-bacılarıma «4», «4»lə oxuyanlara isə «5» yazmazdılar.

Mən universitetdə oxuyanda da 8 Martda oxuduğum məktəbə gedərdim, məni insan kimi yetişdirən müəllimələrimə hədiyyə aparardım.

Yəni 8 Martda müəllimələrə hədiyyə verilməsinə heç vaxt pis baxmamışam və indi də pis baxmıram. Səhər tezdən işə gələndə də nəvələrimə təlim-tərbiyə verən müəllimələrə də sidq ürəklə, sevgiylə hədiyyələr göndərmişəm. Eybi yox, qoy Təhsil Nazirliyindən qorxub hədiyyələri geri qaytarsınlar.

Gələk mətləbə. Bəli, Təhsil Nazirliyi müəllimələrdən tələb edir ki, hədiyyə qəbul etməsinlər. Çox əla! Müəllimələrdən başqa şey tələb olunmalıdır. Onlardan şagirdlərə yüksək səviyyədə dərs demək tələb olunmalıdır ki, valideynlər boğazlarından kəsib övladlarını repetitor yanına göndərməsinlər. Təhsil ocaqlarından yüksək təhsil tələb olunmalıdır, yoxsa ildə-ayanda olan bir bayramda kimsə müəlliməyə bir ətir hədiyyə edib. Pah, dünya dağıldı, korrupsiya, rüşvət. «Rüşvətin» də miqyası bilirsiniz nə qədərdi, təxminən 15-20 manat. Qudursun olsun 30 manat.

Beynəlxalq bankdan oğurlanan pullar Azərbaycanın bir illik dövlət büdcəsini təşkil edir.

Sovet vaxtı Ağdamda bir həkim on manat rüşvət aldığına görə tutulmuşdu. Sonra bütün nəsil yığışıb bir on min manat pul düzəltdilər verdilər prokurora, birtəhər yazıq həkimi buraxdırdılar.

Müəllimlərin qarşısına qoyulan tələbi qəzetlərdə və saytlarda oxuyanda həmin qəzet və saytlarda onu da oxudum ki, Dövlət İmtahan Mərkəzinin 9-cu sinif şagirdləri üçün keçirdiyi test imtahanında şagirdlərin 72 faizi «2» alıb. Necədi sizin üçün? «2» almayan o 28 faiz bilirsiniz kimlərdi, repetitor yanına gedənlər. Necədi sizin üçün!

Hələ deyəsən keçən il Azərbaycan dilindən səksən neçə faiz «2» almışdı.

Müəllimənin alacağı on, iyirmi manatlıq hədiyyə problem deyil, problem 72 faiz uşağın riyaziyyatdan «2» almasıdı. Özü də qəribədi, oxuyuram ki, hamı buna görə Dövlət İmtahan Mərkəzini günahlandırır ki, guya suallar çətin olub. DİM-in testə saldığı suallar şagirdlərin tədrisdə keçdiyi dərsliklərdən götürülür. Çətin sual?! Testə nə salsınlar – iki vur iki neçə edir?

Qaçqın qəsəbələrinin birində iclasdaydım. Bir valideyn qalxıb mənə belə bir sual verdi:

- Müəllim, mənim qızım doqquzuncu sinifdə oxuyur. Məcburam onu oxudam, çünki qız uşağıdı, oğlana o qədər fikir vermərəm, uzaqbaşı gedib mənim kimi daş daşıyıb ailəsini saxlayasaq. Qızların oxuması daha vacibdi. Tikintidə işləyirəm, ayda üç yüz manat maaş alıram, amma o uşağın, o biri balalarımın da boğazından kəsib repetitorlara iki yüz manat pul verirəm. Niyə orta məktəbdə elə dərs keçmirlər ki, mən daş daşııyıb qazandığım pulu repetitorlara verim?

Bu sual deyildi, Təhsil Nazirliyinə vurulacaq bir xəncər yarası idi.

20 ildən çoxdu təhsilimizin başında islahatlar adı ilə turp əkirlər, amma o turp da bitmir.

Bəyənmədiyimiz Sovet təhsil sistemi Yusif Məmmədəliyev yetişdirirdi, Xudu Məmmədov, Ziya Bünyadov, Əliyar Süleymanov, Firudin Hüseynov, Fərəməz Maqsudov, Cəlal Allahverdiyev, Kərim Kərimov, Ramazanzadə, Cavadzadə , Həsən Abdullayev, Qara Məmməd, Faiq Bağırzadə yetişdirirdi. Bəyənmədyimiz Sovet təhsil sistemi Akif Əlizadə yetişdirib, Arif Paşayev yetişdirib, Misir Mərdanov, Abel Məhərrəmov, Rafiq Əliyev yetişdirib. Bu siyahını nə qədər istəsəz uzada bilərəm.

İndi bizi xoşbəxt edən baloniya sisteminin və təhsilimizdəki islahatların nəticəsində yuxarıda adlarını çəkdiyim şəxsiyyətlərin səviyyəsində yetişdirdiyi beşcə nəfərin adını çəkin, mən qələmi atım.

Əziz Müəllimələr! 8 Mart Qadınlar bayramı münasibətilə hamınızı ürəkdən təbrik edirəm. Əllərinizdən öpürəm! Və xahiş edirəm önünüzdəki şagirdlərin sabah Azərbaycanın gələcəyi olduğunu da unutmayın!




İmza:

Deputatların heç birində koronavirus aşkarlanmadı - RƏSMİ

Türkiyədəki azərbaycanlı tələbələr dövlətə aid yataqxanalardan çıxarılmayıb - Erkan Özoral

Koronavirus səbəbindən bəşəriyyətin yarısı karantindədir

Dövlət başçısı: “Yaşı 65-dən yuxarı insanlar evdə oturmalıdırlar. Vəssalam, birmənalı şəkildə!”

İlham Əliyev koronavirusa görə karantin üçün hotellərini ayıran iş adamlarına təşəkkür etdi

Çinin dövlət müşaviri: Koronavirusla mübarizədə Azərbaycana yardım göstərməyə hazırıq

İlham Əliyev və Mehriban Əliyeva Bakıda tibb müəssisəsinin açılışında - YENİLƏNİB

Bakıda qadın vəhşicəsinə döyüldü: Polis araşdırmalara başladı

Cəlilabadda polisi güllələyən şəxs həbs edildi - RƏSMİ

Azərbaycan Afrika İttifaqı Komissiyasına 20 min dollar yardım edib

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2020-03-31
2020-03-30


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90.48%)
Pullsuz (9.52%)

ÇOX OXUNAN
GÜNÜN LƏTİFƏSİ

Bir adam xoşbəxtcəsinə dostuna deyir ki,

indiyədək həyatımda koronavirus kimi məni sevindirən bir hadisə olmamışdı:

- Arvad artıq səyahətə getmək istəmir!

-Artıq heç bir şey satın almır, çünki hər şey Çindən gəlir.

- Alış-veriş mərkəzlərinə də getmir ki, oralarda qələbəlikdi.

- Bütün günü də ağzına maska taxıb danışmır.

Bu virus deyil ey, Allahın mənə bir lütfüdü, kefdəyəm.





digər lətifələr
ARXİV
FACEBOOK