Adalet.az | HARDASAN, ŞAMXAL RÜSTƏM? Adalet.az | HARDASAN, ŞAMXAL RÜSTƏM? Adalet.az | Ədalət -
ANA SƏHİFƏ / YAZARLAR

HARDASAN, ŞAMXAL RÜSTƏM?

34193    |   2016-10-01 00:33
Şriftin ölçüsü:
A+ Böyütmək
A+ Balacalaşdır

...Tələbəlik illərində çox istedadlı, savadlı və dünyagörüşlü dostlarımız olub. Daha doğrusu, biz onlara əlçatmaz zirvə kimi baxardıq. Çünki onların əksəriyyəti o dövrdə məşhur yazarlar idi: Nüsrət Kəsəmənli, Siyavuş Sərxanlı, Telli Pənahqızı, Gülşən Əkbərova, Şamxal Rüstəm, Adil Cəmil, Hidayət Elvüsal, Vaqif Bəhmənli...
Çox gözəl, çox da qeyri-adi yazılar qələmə alırdı onlar. Hətta tələbəlik illərində adlarını çəkdiyim şairlərin və yazıçıların çox şeirləri dillər əzbəri idi. Bunu tək Azərbaycan Dövlət Universitetinin jurnalistika fakültəsinin tələbələri deyil, eləcə də filologiya fakültəsində oxuyan gənclər də o şeirləri əzbər bilirdilər. Şeirin qeyri-adi duyğusu, poetik duyumu bizim sanki ürəyimizin, qəlbimizin sahillərinə öz ünvanını yazırdı. Bir çox tələbə dostlarımız qızları "bişirmək" üçün ya Nüsrətin, ya Şamxalın, ya Adilin, ya da Vaqifin şeirlərindən istifadə eləyirdilər...
Şamxal Rüstəmsə tamamilə başqa dünyanın, başqa bir aləmin adamı idi. Nə qədər istedadlı idisə, bir o qədər də sadə, səmimi və ürəyi açıq yazar olub. Şamxal əslən Şəmkirdən olduğuna görə, dostlarının çoxu onun başına yığışardı. Çünki Şəmkirdən gətirdiyi konyakı, çaxırı heç vaxt tək içməzdi. Onun ətrafında ən çox Baba Vəziroğlu, Loğman Rəşidzadə və Rəhman Salmanlı olardı. Təbii ki, onları da bir-birinə yaxınlaşdıran, doğmalaşdıran şeirə, poeziyaya olan əbədi bir sevgi idi. Bu sevgi o qədər müqəddəs, o qədər təmiz idi ki, çoxları Şamxal Rüstəmdən pay almaq istəyirdi.
Onun çox gözəl şeirləri olub. Bir-birindən fərqli, bir-birindən qeyri-adi qələmə alınan bu şeirlər gəncliyin iç dünyasını, məhəbbətini, bütün çılğınlığını əks elətdirib. Tələbəlik illərində Azərbaycan televiziyasında ayda iki dəfə bir veriliş efirə çıxırdı. Səhv eləmirəmsə o verilişi də "Gənclik" redaksiyası hazırlayırdı. Verilişin redaktoru Rəşid Şərafəddinov idi. Amma ssenarini Şamxal Rüstəm qələmə alırdı. Verilişin biri də onun "Tələbəyəm" şeirinə həsr edilmişdi. "Birimiz və hamımız" verilişini əməkdar artist, rəhmətlik Azər Mirzəyev aparardı. Həmin veriliş bizim gənclik dövrünün ən yadda qalan, ən unikal verilişlərindən olub. Ən azından ona görə ki, həmin televiziya verilişində biz öz düşüncəmizi, həyat tərzimizi və mübarizəmizi tapırdıq. Və ən nəhayət, bu cür verilişlər biz gəncləri vətənpərvərlik ruhunda tərbiyə eləyirdi.
Bir müddətdən sonra Şamxal Rüstəm radionun "Gənclik" redaksiyasında redaktor vəzifəsinə keçdi. Həmin redaksiyanın böyük redaktoru, istedadlı şair-publisist Dəmir Gədəbəyliydi. Ümumiyyətlə, Dəmir müəllim nə qədər istedadlıydısa, bir o qədər də jurnalistika fakültəsinin tələbələrinə sevgi və qayğıyla yanaşardı. Bunu Şamxal Rüstəm də yaxşı bilirdi. Biz də tez-tez həmin redaksiyaya gedər və maraqlı süjetlər hazırlayardıq. Dostum Rəhman Salmanlıyla bu redaksiyayla tez-tez əlaqə yaradardıq. Bir neçə süjetim efirdə səslənəndən sonra mənə 60 manat məbləğində qonorar gəlmişdi. Həmin verilişin də redaktoru Şamxal Rüstəm idi. Görünür, tələbə olmağımızı nəzərə alıb bizə daha çox qonorar yazmışdı.
Mən də Şamxal Rüstəmin xəcalətindən çıxmaq üçün ona bir qonaqlıq vermək istəyirdim. Elə oldu ki, onunla Kommunist küçəsində, universitetin köhnə binasının yanında təsadüfən rastlaşdıq. Dedim düşək aşağıdakı "podvala" bir tikə çörək kəsək. O da mənimlə "podvala" düşdü. "Podvalda" şəkililər - Aydın və dostu Əli yaxşı sosiska, solderka bişirərdilər. Aydın yeməyi qoymamışdan qabaq boşqabı və yumurtanı əlində atıb-tutur, sonra da səliqəylə yumurtanı, sosiskanı qaba qoyardı. Onların bişirdiyi sosiskanın dadı indi də damağımızdan getməyib. Adam məəttəl qalır ki, bəs indi niyə bu cür sosiskalar yoxdur? Əlqərəz, çörək yedik, Şamxal yüz qram da araq vurdu. Amma bir göz qırpımında gördüm ki, məndən qabaq yeməyin hesabını ödəyib. Dedim ay qardaş, axı mən sənin yanında xəcalətliyəm, bu qədər də qonorar almışam. Qoyaydın "şotu" mən verəydim. Şamxalsa güldü və dedi:
- Sən tələbə adamsan. Vaxt gələr, işləyərsən, pul qazanarsan, onda da sən yeməyin pulunu verərsən. Hələ ki, biz işləyirik, imkanımız da pis deyil. Nə vaxta qədər ki, mən ordayam, Rəhmanla sən kef elə. Pulunuz da olmayanda mənə deməsəniz kişi deyilsiniz.
Bax, Şamxal Rüstəm belə sadə, səmimi və təvazökar şairdi. Şamxalın çox gözəl şeirləri var. Onlardan da biri belə adlanır: "Belə qəmli dayanma". Bilmirəm, Şamxal bu şeiri nə vaxt və necə yazıb. Ancaq bir onu bilirəm ki, ötən əsrin 70-ci illərində yazılan bu şeir o vaxt mahnıya da çevrildi və bu gün də tez-tez efirlərdə səslənir. Rəhmətlik Məhəbbət Kazımovun ifasında bu mahnı elə səslənib ki, unikal bir hadisəyə çevrilib.
Şamxal istedadlı şairdi, istedadlı publisistdi və istedadlı jurnalistdi. Həm də mən deyərdim ki, çox sədaqətli bir dostdur. O kiminləsə bir tikə çörək kəsibsə, onu ömrünün sonuna qədər yaddan çıxarmır. Amma məni yandıran odur ki, Şamxal kimi istedadlı, səmimi adamları onun imkanlı dostları bu gün yaddan çıxarıblar. Vaxtilə hər gün Şamxalla görüşən, onun çörəyini yeyən, suyunu içən və hətta gecələr onun evində qalan bəzi dostlar niyə belə edir hələ də anlaya bilmirəm. Qılıncının dalı, qabağı kəsən bu adam indi Şamxalı bir dəfə axtarmır və ona heç telefon da açmır. Bunu mənə nə Şamxal deyib, nə də başqası. Heç mən Şamxal Rüstəmi hardasa 3-4 ildir görmürəm. Ötən əsrin 70-ci illərində onun şanına-şöhrətinə görə yaxınlaşan və bu gün şöhrət tapan bir şairin dostunu axtarmamasına ancaq təəssüf edirəm. Heç bəlkə buna Şamxal Rüstəmin o qədər ehtiyacı da yoxdur. Amma söhbət diqqətdən və qayğıdan gedir. Yadıma bir Azərbaycan filmi düşür və orda bir obrazı xatırlayıram. Həmin obrazı ifa edən aktyor deyir ki, "mənim özümün də pulum var, istədiyim qədər sosiska ala bilərəm. Mən də istəyirəm ki, sən mənə vinimatelni olasan. Söhbət sosiskadan yox, vinimatelni olmaqdan gedir". Hər bir insan qarşısındakına diqqətli olanda o birisi də bundan ləzzət alır və heç vaxt bu yaxşılığı yaddan çıxarmır.
Bu gün ədəbi tənqid də Şamxal kimi istedadlı bir şairi yaddan çıxarıb. Ədəbi tənqid dönüb olub ədəbi tərif. Kim kiminlə dostluq eləyirsə, onun tərifini qaldırır göyün yeddinci qatına. Guya bundan gözəl yazar yoxdur. Təriflənən yazarın isə bir şeirinə baxırsan, bir yazısına göz gəzdirirsən, görürsən ki, söz yığınıdı. Heç bir məna, fikir və poetik duyum yoxdur.
Günlərin bir günündə axşam üstü dostum Rəhman Salmanlıyla Şamxal Rüstəmgilə getmişdik. Şamxalla Binanın qarşısında görüşdük. Həmin evdə kirayənişin qalırdı. Dedi ki, gəlin oturun taksiyə, gedək "Qarabağ" mehmanxanasına, orda sizə bir qonaqlıq verim.
Biz taksiyə əyləşdik və "Qarabağ" mehmanxanasının 1-ci mərtəbəsinə keçib restorandakı boş yerlərdə əyləşdik. Şamxal xidmətçini çağırdı və dedi ki, nəyiniz var gətirin tökün stolun üstünə. Bir göz qırpımında xidmətçilər soyuq qəlyanaltıdan tutmuş digər ləziz yeməklərə qədər stolun üstünə düzdülər. O ki, var yeyib-içdik və axırda da Şamxal Rüstəm hesabı ödəyib bizi də taksiyə mindirərək evə yola saldı. Maşının pəncərəsini açıb dedi ki, sizin kimi dostları belə görəndə mənə ləzzət eləyir. Bilin ki, sizin mənim kimi qardaşınız var.
... Özüm də bilmirəm bu yazı hardan ağlıma gəldi. Amma bir onu bilirəm ki, Şamxal Rüstəm kimi istedadlı bir şairdən bu cızma-qaranı yazmaqla elə bil çiynimdən ağır bir yük götürüldü. Və düşünürəm ki, bu gün çoxlarının və o cümlədən bizim Şamxal Rüstəmi unutmağa haqqımız yoxdur. Çünki onun bizim kimi dostların boynunda çox zəhməti və əməyi var. Ən azından o məşhur olanda indi nəğməkar şair adı qazanan bir çox şairləri heç kim tanımırdı. Onlar isə Şamxalın kölgəsində fırlanırdılar. Təki Şamxalın kölgəsi qalın olsun və onun da ətrafında kimlərsə fırlansın...



YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-08-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu, babam deyir ki, sən onun beynini də yemisən.




digər lətifələr
ARXİV
FACEBOOK