İsrail hakimiyyəti İran prezidentinə sui-qəsd cəhdi edib, lakin buna nail ola bilməyib.

Adalet.az xəbər verir ki, bu barədə İran prezidenti Məsud Pezeşkian açıqlayıb. 

İran lideri amerikalı jurnalist Taker Karlsona müsahibəsində bu barədə suala cavab verib: "Bəli, cəhd etdilər, amma uğursuz oldular". 

İran prezidenti əlavə edib ki, sui-qəsd cəhdi təxminən həftə yarım əvvəl (İran-İsrail münaqişəsi zamanı - red.) baş verib və ABŞ-nin bunda əli olmadığını qeyd edib: "Mən görüşdə idim, sonrakı addımları müzakirə edirdik və onların casuslarının kəşfiyyat məlumatlarının köməyi ilə İsrail bizim görüş keçirdiyimiz əraziyə zərbə endirməyə çalışdı".