Səninlə baş-başa verib şirin-şirin söhbət etdiyim günlər yadıma düşdü...

"Faiqin bilinmir yaşı,"- deyib, uğunub ketdiyin anlar yadıma düşdü...

Lətif Süleymanlıya "çiyninə çıxıb, qulağına deyərəm"-deyib, ciddi görkəm alaraq, gülməkdən özünü zorla saxladığın anlar yadıma düşdü...

Daşdəmirin üstünə cumub , mənim yazımı niyə qəzetin küncündə qoymusan dediyin anlar yadıma düşdü...

Lətif Novruzovun ağızdan pərtovluğunu bilə-bilə, "Agil müəllim gəldi"- deyib, onu cırnatdığın günləri xatırladım...

Hərdən də heç kimə deyə bilmədiyin, məni yanlayıb, kövrək səslə - bəlkə "Sədərəyə" gedək. Dərslər açılır, qıza bir şeylər alım-

dediyin həmin o günü xatırladım...

Və bir də başımı qaldırıb baxdım ki, bu gün sentyabrın 1-i, sənin mövlud günündür..

Rahat uyu əziz dost,

gözəl insan. Ruhun da xatirələrin də həmişə bizimlədir...

Bu xatirələri bizə sənin qədər əziz olan qardaşın Azərlə tez-tez bölüşürük.

Məkanın cənnət olsun əziz dost...