Dəfələrlə Bakıda belə hadisə ilə üzləşmişəm.

Gedirsən hər hansı bir yerə 3 qəpik, 5 qəpik verəndə götürmürlər. Yanvarın 25-də    " 20 yanvar" metrostansiyasının yaxınlığında fəaliyyət göstərən tualetdə bir kişinin verdiyi 4  ədəd beş qəpiyi xidmətçi götürmürdü.  

Deyirdi ki, müdirimiz tapşırıb ki, 3-5 qəpikləri göturməyək. Ancaq bu  dəfə daş qayaya rast gəlmişdi. Müştəri bildirdi ki,  verdiyim pul Azərbaycan puludur, hüququnuz yoxdur ki, onu qəbul etməyəsiniz. Axır ki, müştərinin israrlı tələbindən sonra xidmətçi donquldana- donquldana pulu götürdü. Çox qəribədir, nə üçün bəzi yerlərdə  Azərbaycanın 3- 5 qəpiyini   götürmək istəmirlər.

Bu Azərbaycan puluna hörmətsizlik olmaqla yanaşı, həm də birmənalı olaraq qanun  pozuntusudur. Qanunlara əməl etmək isə hamının borcudur!

Emil Faiqoğlu