İlk görüşlərin yaxşı keçməsinə baxmayaraq münasibətin niyə davam etmədiyi maraq doğurur. Mütəxəssislərə görə bəzi kiçik davranışlar qarşı tərəfdə romantik marağı qısa müddətdə azalda bilir. 

Adalet.az xəbər verir ki, psixoloqlara görə ilk təəssüratda təkcə fiziki görünüş deyil, insanın özünü necə ifadə etməsi və qarşısındakı ilə qurduğu ünsiyyət də həlledici olur. Sorğuda bəzi kişilər süni qarqara (süni tündləşmə), həddindən artıq nəzərə çarpan estetik tətbiqlər, elektron siqaret istifadəsi və səliqəsiz görünüş kimi detalların maraqlarını azaltdığını bildiriblər.

Birtərəfli söhbətlər diqqət çəkir

Mütəxəssislərə görə ilk görüşdə daim özündən bəhs etmək və qarşı tərəfə sual verməmək ünsiyyətin birtərəfli olduğu təəssüratı yarada bilər. Bunun yanında ilk görüşdə birbaşa gəlir, sərvət və ya maddi imkanlar haqqında suallar verilməsi də qarşı tərəfdə narahatlıq yarada bilər.

Gecikmək və sosial media təzyiqi

Daim gecikmək, süni danışıq tərzindən istifadə etmək və ya görüş boyunca telefonla maraqlanmaq da münasibətin başlanğıcına mənfi təsir edə bilən davranışlar arasında göstərilir. Sosial media üçün daim şəkil çəkdirilməsini tələb etmək də bəzi insanlar tərəfindən yorucu hesab oluna bilər.