Xəbər verdiyimiz kimi, bir neçə gündür ki, keşiş Baqratın başçılığı ilə  İrəvanın mərkəzindəki Respublika meydanında  etiraz mitinqlər davam edir.

Erməni mediası xəbər verir ki, Baqratın göstəriş ilə etirazçılar İrəvanın yollarını bağlamaqla şəhəri iflic etməyə çalışıb. Bir neçə gündür davam edən aksiyanı bu gün səhər saatlarında  yenidən davam etdirən  etirazçılarla  asayiş keşikçiləri arasında  qarşıdurma yaranıb. Hüquq-mühafizə orqanları qəti tədbirlər görərək revanşist erməniləri meydandan kənarlaşdırmağa çalışıblar. Erməni mediasının yaydığı görüntülərdə İrəvanın Abovyan və Teryan küçələrində xüsusi təyinatlı “qırmızı beretlilər”in aksiyaçıları qısa müddətdə maşınlara dolduraraq apardığı əksini tapıb. Hadisələrin şahidi olan jurnalist Suzi Badoyanın sosial şəbəkə paylaşımında 113 nəfərin saxlanıldığını yazıb:"Onları polis bölməsinə aparırlar, Kentron, Erebuni, Zeytun, bölmələr doludur, yer yoxdur.

Xatırladaq ki,  kilsə Ermənistanda revanşist “Vətən naminə Tavuş Hərəkatı” etirazlarını bütün gücü ilə ələ alaraq hakimiyyətə qarşı mübarizə aparır.

 Əntiqə Rəşid