Şimali Makedoniya Prezidenti ADA Universitetində tələbələrlə görüşüb

Şimali Makedoniya Respublikasının Prezidenti Qordana Silyanovska-Davkova martın 11-də ADA Universitetində tələbələrlə görüşüb.
Adalet.az xəbər verir ki, Qordana Silyanovska-Davkova çıxışında iki ölkə arasındakı dostluq əlaqələrinin gücləndirilməsinin əhəmiyyətini vurğulayıb.
O, Azərbaycan və Şimali Makedoniya arasında geniş əməkdaşlıq potensialının olduğunu qeyd edərək, xüsusilə təhsil, iqtisadiyyat və mədəni sahələrdə əlaqələrin inkişafına diqqət çəkib.
Daha sonra Prezident regiondakı geosiyasi vəziyyət, Şimali Makedoniyanın beynəlxalq əməkdaşlıq məsələləri ilə bağlı fikirlərini bölüşüb. O, ölkəsinin Avropa ilə əlaqələrinin möhkəmləndirilməsinə dair atılan addımlardan danışıb və Azərbaycanın beynəlxalq arenada artan rolunu yüksək qiymətləndirib.
Görüş interaktiv şəkildə davam edib və Prezident Qordana Silyanovska-Davkova tələbələrin suallarını cavablandırıb.
Gənclərlə açıq dialoq aparan dövlət başçısı onların gələcək planları, təhsil imkanları və ikitərəfli münasibətlərin perspektivləri ilə maraqlanıb.
Tədbirin sonunda xatirə şəkli çəkdirilib.
Digər Xəbərlər

Musiqi müəllimlərinin attestasiya nəticələrinə uyğun təlimlər başlanılır

Regional kollecdə YENİ TƏYİNATLAR

"Hay"laşdılmış xristian Qıpçaq-ƏRmən tarixi: Bağrevənd döyüşü-1250

Nazirlik rəsmisi: Bölgələrdə əlavə tibbi kolleclərin açılması üçün təhlillər aparılacaq

Müəllimlərin iş yerinin dəyişdirilməsi ilə bağlı VACİB XƏBƏR

Məktəblərdə kağız jurnallardan istifadə dayandırılacaq

Magistraturaya qəbul imtahanı onlayn keçiriləcək - DİM rəhbəri açıqladı
