17 May 2024 11:54
2149
ƏDƏBİYYAT

Şəlalə Camal: Soruşdunmu necəyəm?

Soruşdunmu necəyəm?
Mən keçilməz küçəyəm.
Elə sındı qanadım
Qorxaq, ürkək sərçəyəm...

Soruşdunmu necəyəm?
Hər şeyi deyəcəyəm
Sən xoşbəxt görünürsən,
Ya mənmi sevincəyəm?!

Soruşdunmu necəyəm?
Necə keçir günlərim?
Mən bu Yer kürəsində,
Vallah dustaq kimiyəm.

Soruşdunmu necəyəm?
Bir az ölü kimiyəm,
Qisasını almaqçün,
Mütləq diriləcəyəm.