Xəbər verdiyimiz kimi Ermənistanın qondarma məhkəməsi yolu azaraq əsir düşən əsgərlərimizdən biri Hüseyn Axundovun həbs müddətini üç ay da uzadıb. 

Məsələylə bağlı Adalet.az-a danışan əsir əsgərin qardaşı Böyükağa Axundov ailəsinin övladlarına görə narahat olduğunu bildirib:

“Anam xəstədi, hər gün əlaqədar qurumlara gedir ki, qardaşımın azad olunması istiqamətində tədbir görsünlər. Bizə bildirirlər ki, səbirli olun, yaxşı olacaq. Hüseyndən bir dəfə məktub almışıq. Əslində ayda bir dəfə məktub almalıyıq, amma artıq ikinci ay tamam olur ki, biz qardaşımdan məktub almırıq. Çox güman ki, Hüseyn yeriyə bilmir. Çünki çiyinlərinə baxanda görünür ki, qollarından qaldırıblar, ayaqları taqətsizdi, dizləri bükülüb. Onun vəziyyətinin yaxşı olmadığı göz qarşısındadır. Hüseyn sağlam idi, əsir düşəndə ona işgəncə veriblər”. 

Vasif Əlihüseyn