adalet.az header logo
  • Bakı 8°C
  • USD 1.7
02 Noyabr 2022 18:11
547
ELM VƏ TƏHSİL

Qalib Azərbaycan gənc rəssamın rənglər dünyasında - FOTO

Azərbaycan Memarlıq və İnşaat Universitetinin (AzMİU) Memarlıq fakültəsinin təbəsi, Tələbə Gənclər Təşkilatı (TGT) nəzdində Gənc Rəssamlar Dərnəyinin rəhbəri Aytac Vəzirovanın “Qalib Azərbaycan” adlı fərdi rəsim sərgisi keçirilib.

Adalet.az xəbər verir ki, əvvəlcə AzMİU-nun rəhbərliyi, qonaqlar və tələbələr universitetdə şəhidlərin xatirəsinin əbədiləşdirilməsi üçün yaradılmış abidə kompleksinin önünə güllər düzüblər, şəhidlərin xatirələrini yad ediblər. Sonra sərginin açılış mərasimi keçirilib.

AzMİU-nun prorektoru Orxan Naqdiyev deyib ki, qələbənin, Qalib Azərbaycanın yaradıcı gənclər, rəssamlar tərəfindən təsviri, tərənnüm edilməsi milli inkişafımız baxımından böyük əhəmiyyət kəsb edir. Gənclərin qələbə əzmi və əhval-ruhiyyəsi ilə yetişməsinin önəminə diqqət çəkən Orxan Naqdiyev qeyd edib ki, AzMİU-da tələbələrin yadacıcılıq fəaliyyətinin dəstəklənməsi bundan sonra da davam etdiriləcək.

AzMİU-nun Memarlıq fakültəsinin dekanı, professor Zahidə Məmmədova Aytac Vəzirovanın fərdi sərgisini bütün fakültə üçün qürurverici uğur adlandırıb və gənc rəssamın müraciət etdiyi mövzunun əhəmiyyətinə diqqət çəkib. Zahidə Məmmədova bildirib ki, Qalib Azərbaycanın rəssam fırçası ilə təsviri bu istiqamətdə milli, vətənpərvər yaradıcılıq meyillərinin inkişafı ilə təkan verəcək.