"Tədbirlərdə yeni dəb düşüb. Gedirsən tədbirə nə press-relizləri var, nə də qarşılayan məsul şəxsləri. Jurnalist ovcunun içini iyləyib bilməlidir ki, çıxış edən kimdir və nədən danışır".

Adalet.az xəbər verir ki, jurnalist Aytac Aslan tədbirlərdə jurnalislətə göstərilən münasibətdən narazılığını dilə gətirib.

"Tədbirdə çıxış edən şəxs tanınan, nitqi asan başa düşülən, hardanda oxumadan birbaşa danışan adam olanda bu başadüşüləndir. Ancaq gedirsən tədbirə görürsən, adam açıb terminalogiya kitabını gözünə harda çətin termin gəldi, yazıb e ora. Jurnalistin də beyni süni intellektlə idarə olunur axı, o saat o termini tapıb yazır. Bütün çıxış edənlərin yazılanları oxuduğu bir tədbirdə press-reliz verməmək yanlışdır.

Bu, həm də qurumun qeyri-peşəkarlığını göstərir. Əziyyət çəkib o boyda tədbir təşkil edirlər, ancaq məlumatların düzgün yayılması üçün şərait yaratmır, kömək olmurlar. Lap press-reliz yazacaq qədər qabiliyyətli əməkdaşları yoxdursa, ən azından, tədbirin mövzusu, çıxış edənlər haqqında kiçik bir məlumat olmalıdır.

Ümid edirəm, nəzərə alınar".

Emin