Polis motokuryerlərə nəzarəti gücləndirdi - VİDEO

Motokuryerlərin iştirakı ilə baş verə biləcək yol-nəqliyyat hadisələrinin qarşısının alınması və qəzaların sayının minimuma endirilməsi məqsədilə polis əməkdaşları tərəfindən mütəmadi olaraq nəzarət-profilaktik işlər aparılır.
DİN-in Mətbuat Xidmətindən Adalet.az-a verilən məlumata görə, motosiklet, moped və digər bu tip ikitəkərli nəqliyyat vasitələrini idarə edən sürücülər tərəfindən yol hərəkəti qaydalarının pozulması hallarının qarşısının alınması, sürət həddinin aşılması, təhlükəli manevrlər, işıqforun qırmızı işığında keçmə və digər qayda pozuntularına qarşı nəzarət gücləndirilib.
Bildirilib ki, keçirilən tədbirlərlə özlərinin və digər hərəkət iştirakçılarının həyat və sağlamlığına təhlükə yaradan sürücülər saxlanılır, onlarla profilaktik söhbətlər aparılır, mövcud qanunvericiliyin tələbləri barədə məlumatlar verilir, etdikləri qanun pozuntusunun digər vətəndaşlara yaratdığı çətinliklər izah olunmaqla bu halın yaratdığı təhlükələr onların diqqətinə çatdırılır.
“Bir daha motosiklet, moped və digər bu tip ikitəkərli nəqliyyat vasitələrini idarə edən sürücülərə müraciət edərək, onları təhlükəsizlik qaydalarına ciddi riayət etməyə, özlərinin və başqalarının həyat və sağlamlığına təhlükə yaratmamağa çağırırıq”, - deyə məlumatda bildirilib.
Digər Xəbərlər

İlham Əliyevin şərəfinə xüsusi KORTEJ - VİDEO

Ağdam şəhərinə ilk köçün vaxtı AÇIQLANDI

Sabah 38 dərəcə isti olacaq - PROQNOZ

Sonuncu dəfə Ağdama... - Aqil Abbas XATİRƏLƏRİNİ bölüşdü

Bu gün Beynəlxalq İtkinlər Günüdür

Şiddətli töhmət alan icra başçısı: “Prezident həmişə haqlıdır”
jpg-1756479083.jpg)
Ərəbə görə dost itirməyə dəyməz: "Mavi Marmara"dan sonra növbəti gərginlik
