“Azərbaycan Ordusunun Zabux və Cağazur arasında olan hakim yüksəklikləri, orda mövcud olan əsas, yardımçı yolları nəzarətə götürməsi çox vacib və əhəmiyyətli addımdır”

Bunu Adalet.az-a açıqlamasında hərbi ekspert Ədalət Verdiyev deyib. Ekspert bu yolların nəzarətə götürülməsiylə Ermənistandan Qarabağa daşınan silah-sursatın qarşısının alınacağını bildirib:

“Bu Azərbaycana Qarabağa Ermənistandan silah-sursat mina və digər daşınmaların qarşısını almağa kömək edəcək. Eyni zamanda, Azərbaycan-Ermənistan sərhədinin Laçın ərazisindən keçən hissəsində nəzarəti bərp etməyə imkan verəcək. Digər tərəfdən isə bu Azərbaycan-Ermənistan arasında sərhəd keçid məntəqəsinin yaradılmasına da şərait yaradacaq”. 

Qeyd edək ki, Müdafiə Nazirliyinin yaydığı məlumata görə Azərbaycan Ordusu yeni Laçın yolunun istifadəyə verilməsi ilə əlaqədar Laçın rayonunun Cağazur və Zabux kəndləri arasında yerləşən bir neçə hakim yüksəklik, əsas və yardımçı yolları, eləcə də sərhədboyu geniş sahələri nəzarətə götürülüb.

Vasif Əlihüseyn