"Ölkəmizdə insan alverinə qarşı hərtərəfli mübarizə üçün əlverişli mexanizmlər yaradılıb. İnsan alverinə qarşı mübarizə üzrə milli fəaliyyət planları da uğurla icra edilir".

Adalet.az xəbər verir ki, bunu Milli Məclisdə İnsan alverinə qarşı mübarizə üzrə Milli Koordinatorun illik məlumatının müzakirəsi zamanı Daxili İşlər Nazirliyinin İnsan Alverinə qarşı Mübarizə Baş İdarəsinin rəisi, polis general-mayoru Həzi Aslanov deyib.

"Xüsusi qeyd edilməlidir ki, ölkəmizdə insan alverinə qarşı mübarizə sahəsində həyata keçirilən islahatlar insan alveri və məcburi əməyin qarşısının alınması sahəsində fəaliyyətin effektli, aidiyyəti beynəlxalq təşkilatların dəyərləndirmə hesabatlarında yüksək qiymətləndirilib", - deyə general bildirib.