adalet.az header logo
  • Bakı 12°C
  • USD 1.7
01 Dekabr 2022 12:34
656
İQTİSADİYYAT

Nədir bu "Çörəkçi"dən  çəkdiyimiz?:Çörəyin içindən bolt çıxır, sabun iyi verir...

Sosial şəbəkələrdə müxtəlif zamanlarda ən çox tənqid atəşinə tutulan “Çörəkçi” zavodudur.
Zavodun istehsalı olan olan məhsulların içərisindən müxtəlif əşyalar çıxır, yaxudda məhsul köhnə olur, kif qoxusu verir. Məsələn, bu ilin mayında jurnalist Amil Hacıyev sosial şəbəkə hesabında paylaşım etdi.
O bildirib ki, “Al” marketdən aldığı çörəyi yemək istəyərkən içərisində bolt görüb. Jurnalist kinayə ilə paylaşımına bu sözləri əlavə etdi: "Çörəyi al çörəkçidən, içində də bolt-qaykası ilə. Al marketdən alınan çörəyin içindən çıxıb. Deyəsən "Çörəkçi" stomotoloqlarla şərik işləyir" .


Ötən gün isə tanınmış aparıcı Turan İbrahimov öz sosial şəbəkə hesabında “Çörəkçi” şirkətindən şikayətlənib.


Adalet.az xəbər verir ki, aparıcı "Çörəkçi"dən aldığı çörəkdən sabun dadı gəldiyini bildirib:
“Çörəkçi”dən doğranmış çörək alıram, sabun dadı verir. Bildiyiniz sabun. Ümidvaram ki, Qida Təhlükəsizliyi Agentliyi bunun səbəbini araşdırıb ictimaiyyətə məlumat verər”.

Qeyd edək ki, müxtəlif vaxtlarda marketlərdən alınan çörəyin içindən tük, şüşə qırıntısı, mismar çıxması ilə bağlı xəbərlərlə, hətta görüntülərlə rastlaşmışıq.
Sumqayıt şəhərində yerləşən “Çörəkçi” zavodunun artıq əhali arasında olan güvəni azalmağa doğru gedir. Belə zay məhsul istehsal etmək alıcının cibinə zərər versədə, bu zərərdən istehsalçı da kifayət qədər zərərlə çıxır.

 Əntiqə Rəşid