“Müasir Audiovizual Baxış” mükafatı təqdim olundu – FOTOLAR

Azərbaycanın Premium kinoteatrı olan “Cinema Plus” Kinoteatrlar Şəbəkəsinin “Gənclik Mall”da yerləşən kinoteatrında Azərbaycan Respublikası Mədəniyyət Naziliyi və AVTO FM 107.7 FM-in dəstəyilə hər həftənin şənbə və bazar günləri yayımlanan “Cinema Radio” Kino Radio Kanalının III Ənənəvi “Müasir Audiovizual Baxış” Mükafatının təqdimetmə mərasimi keçirilib.
“Azman Holdinq”in dəstəyilə baş tutan mərasimi açıq elan edən tədbirin aparıcısı, tanınmış aktyor Emin Nəsirli Kino Radio Kanal və onun Mükafatı haqqında məlumat verib. Mərasimdə çıxış edənlər Mədəniyyət Nazirliyi, audiovizual və interaktiv media şöbəsinin sektor müdiri Rüfət Əliyev, “PMG Group” Şirkətinin rəhbəri CavidNemətzadə, Azərbaycan Respublilası Dövlət Film Fondunun direktoru, Əməkdar İncəsənət xadimi Cəmil Quliyev Cinema Radio Kino Radio Kanalının formatı, onun əhəmiyyətindən danışıblar.
“Cinema Radio” Kino Radio Kanalının rəhbəri AzerNyuMedia Şirkətinin icraçı direktoru Kamran Qasımov və Kino Radio Kanalın aparıcısı RJ Yaqut builki mükafatın sahibini elan ediblər. Mükafat 2021-ci ilin audiovizual yekunlarına əsasən aktyor, ssenarist, aparıcı Azər Aydəmirə təqdim edilib.
Mərasimdə Respublikanın Əməkdar artisti Xəyyam Mustafazadə “Nizami” və “Odlar yurdu” filmlərindən canlı soundtracklar ifa edib.
Qeyd edək ki, “Azman Holding” çoxprofilli biznes fəaliyyətilə məşğul olan idarəedici şirkətdir. Şirkət əsasən ictimai əhəmiyyətli bina və qurğuların, sosial-mədəni obyektlərin tikintisi, abadlaşdırma və işıqlandırma layihələrinin icrası üzrə ixtisaslaşıb.
“Azman Holding” ölkəmizdə idmanın təbliği və populyarlaşdırılması sahəsinə də öz sanballı töhfəsini verir. Holdinq çoxsaylı sosial-mədəni layihələri, vətənpərvərlik tərbiyəsinə xidmət edən idman yarışlarını, gənclərin müxtəlif təşəbbüslərini dəstəkləyir, Vətən müharibəsi qazilərinə, şəhid ailələrinə və aztəminatlılara yardım göstərir. Cinema Radio Kino Radio Kanalının III Ənənəvi “Müasir Audiovizual Baxış” Mükafatının təqdimetmə mərasimi də şirkətin dəstək göstərdiyi layihələrdən biridir.
Digər Xəbərlər

FHN-in 20 illiyinə həsr olunan çempionata yekun vuruldu

Bəzi rayonlara leysan yağır, Balakənçaydan və Talaçaydan sel keçir - FAKTİKİ HAVA

Xırdalan sakinlərinə ŞAD XƏBƏR

Şadlıq saraylarında yoxlama aparılacaq - XƏBƏRDARLIQ

“Azərsun Holdinq” ucqar kənddə yaşayan məktəblilərə dəstək olub

Bu rayonlara yağış yağıb - Faktiki hava

Bu ilin 8 ayında 832 nəfər müharibə iştirakçısı biznes üçün əmlaklarla təmin olunub
