Şuşanın sabiq icra başçısı Mikayıl Gözəlovun qızı Səbinə Gözəlova Şuşa şəhər 1 nömrəli məktəbin direktoru təyin olunub.

Adalet.az xəbər verir ki, bununla bağlı müvafiq əmr elm və təhsil naziri Emin Əmrullayev tərəfindən verilib. 

Səbinə Gözəlova bundan əvvəl Şuşa rayon 24 nömrəli ümumi orta məktəbin direktoru olub. 

Qeyd edk ki, Mikayıl Gözəlov 5 aprel 1948-ci ildə Ağdam rayonunun Mərzili kəndində doğulub. O, Azərbaycan  Milli Ordusunun ilk rəsmi hərbi hisələrindən olan 816 saylı Şuşa ərazi özünümüdafiə taborunu yaradanlardan biri olub. Şuşanın ermənilər yaşayan Qala dərəsi, Böyük Qala dərəsi, Salatınkənd kəndlərinin azad edilməsi əməliyyatına rəhbərlik edib. Laçın-Şuşa yolunun təhlükəsizliyini təmin edib. 

Mikayıl Gözəl 1991-ci ildə Şuşada iş otağında əslən şuşalı olan təcili yardım maşını sürücüsü Elbrus İbrahimov tərəfindən avtomat silahdan açılan atəşlə qətlə yetirilib.

Qətlin səbəbləri indiyədək müəmmalı qalır. Ömürlük həbs cəzasına məhkum edilən Elbrus İbrahimov 2019-cu ildə həbsxanada vəfat edib.