Rusiya Xarici İşlər Nazirliyinin sözçüsü Mariya Zaxarova bu gün İrana qarşı yeni hərbi əməliyyatların hazırlıq əlamətlərinin olduğunu bəyan edərək, vəziyyəti həddindən artıq həyəcanverici adlandırıb.

Adalet.az "Reuters"ə istinadən xəbər verir ki, Zaxarova jurnalistlərlə görüşündə bildirib ki, son ayların acı təcrübəsi İranda insan tələfatına və dağıntılara səbəb olan hərbi avantüraların İran xalqının öz ölkəsinin suverenliyini və müstəqilliyini müdafiə etmək iradəsini qırmağa qadir olmadığını göstərir.

Rusiya xarici siyasət idarəsinin nümayəndəsi vurğulayıb: "Bu gün yeni zərbələrlə hədələyənlər öz qərarlarını yenidən nəzərdən keçirməlidirlər".
ABŞ Konqresinə aralıq seçkilər kampaniyası çərçivəsində seçkiönü çıxışları zamanı ABŞ Prezidenti Donald Trampın davamlı təhdidləri fonunda yaxın günlərdə və ya seçkilərdən sonra İrana qarşı irimiqyaslı hərbi əməliyyatla bağlı ehtimallar nəzərəçarpacaq dərəcədə güclənib.