Xəbər verdiyimiz kimi, Avropada 4 günlük iş həftəsi ilə bağlı hərəkətlər intensivləşib. Məsələ çoxdandır müzakirə olunurdu. Xatırladaq ki, hələ 2014-cü ildə Beynəlxalq Əmək Təşkilatı 4 günlük iş həftəsi təklifi irəli sürmüşdü.

Bəzi ölkələr artıq bu rejimə keçid etməyə başlayıb. Məsələn, İngiltərə həftədə 4 günlük iş rejiminə hələ iyun ayından keçid edib.

Adalet.az  aa.com.tr- ə istinadən xəbər verir ki, hələ ötən ilin oktyabrından başlayaraq “4 günlük iş həftəsi” müzakirələrini ölkəsində dövriyyəyə buraxan Belçika artıq bu rejimi tətbiq edib. Beləki, həftəlik 38 saatlıq iş müddətini 5 gün əvəzinə 4 günə başa vura bilən işçilər iş müqaviləsi imzalanarkən istəklərini qeyd edə bilər, işəgötürən hüquqi şəxs bu istəyi nəzərə almaq məcburiyyətindədir. Mövzu ilə bağlı Bloomberg, Forbes kimi nüfuzlu dərgilərdə Belçikanın bu addımı alqışlanmışdı.

Qeyd edək ki, ABŞ-da həftəlik 40, Fransada 36, Daminarka, Norveç, İsveç, İrlandiya, Almaniya, İsveçrə, Belçika, Avstriya və İtaliyada həftəlik iş saatı 33-35, Hollandiya 27 saatdır.
Aropa ilə müqayisədə Asiyada bu göstəricilər ürəkaçan deyil. Məlumatlara görə, Çində həftədə 60 saat işləyirlər. Eləcə də digər Asiya ölkələrində durum fərqli deyil.

 Əntiqə Rəşid