Nazirliyin rəsmi saytında bununla bağlı qeyd edilib ki, Tələbələrin eyni ixtisas üzrə təhsilalma formasını dəyişməsi (əyanidən qiyabiyə və ya əksinə) ali təhsil müəssisəsinin səlahiyyətinə aiddir və bu, ali təhsil müəssisəsinin əmri ilə həyata keçirilir.

Əgər tələbə əsaslı səbəblərdən təhsilini əyani şöbədə davam etdirə bilmirsə və oxuduğu ixtisas üzrə qiyabi təhsilalma forması yoxdursa, o, uyğun ixtisasa köçürülə bilər. 

Bu zaman o, köçürülmə səbəblərini təsdiq edən sənəd, akademik arayış (transkript) və ərizə ilə köçürülmək istədiyi ali təhsil müəssisəsinin tabeliyində olduğu mərkəzi icra hakimiyyəti orqanına müraciət etməlidir”.