ƏBÜLFƏT MƏDƏTOĞLU: BƏZƏN...

elə qırılıram ki,
şüşə baxıb kövrəlir...
içindən qırılmağı -
o da məndən öyrənir...
dilimin düyünləri,
söz olub deyilmədi...
qəlb ümid geyinmədi -
ona görə göynəyir...
fərəh donur gözümdə
kül bələnir közüm də!
nə edirsə özüm də -
öz-özümə eləyir!
...bu ələkdə, xəlbirdə
Ələnməyə gəl, bir də!
Yoxdu başqa həll, bir də -
Allah bilir...neyləyir!..
Digər Xəbərlər

AZƏRBAYCAN UŞAQ ƏDƏBİYYATI – 2024 - Gülnar QƏMBƏRLİ

Azərbaycan Səfəvilər Dövlətinin orta əsrlərdə ilk dəfə olaraq XVI əsrin II yarısında İngiltərənin Moskva şirkəti ilə ticarət əlaqələri

ZİYALI ÖMRÜ
