Türkiyənin Eskişehir vilayətində bıçaq və balta ilə silahlanan bir gənc ətrafdakı insanlara hücum edib. 

Adalet.az “Cumhuriyyet”ə istinadən xəbər verir ki, hadisə Tepebaşı rayonunda qeydə alınıb.

Üzündə maska və başında dəbilqə olan şəxs 5 nəfəri yaralayıb. Onun döyüş oyunlarının təsiri altında həmyerlilərinə hücum etdiyi ehtimal olunur.

Məlumata görə, hadisəni törədən A.K. polis tərəfindən saxlanılıb. 

Xəsarət alanlar ətrafdakı xəstəxanalara yerləşdiriliblər. Onlardan ikisinin vəziyyətinin ağır olduğu bildirilir.