"Bu gün vacib dövrdə yaşayırıq. Bu forum müxtəlif tərəfləri bir araya gətirib. Burada şəhərlərimizin gələcəyini müzakirə edəcəyik"

Adalet.az xəbər verir ki, bunu Bakıda keçirilən Ümumdünya Şəhərsalma Forumunun 13‑cü sessiyası (WUF13) çərçivəsində keçirilən mətbuat konfransında çıxışı zamanı Dövlət Şəhərsalma və Arxitektura Komitəsinin sədri Anar Quliyev deyib.

"Daha yaxşı şəhərlər qurmaq istiqamətində çalışacayıq. WUF13 böyük məsuliyyətdir. Bizə böyük etimad göstərilib. İnanırıq ki, şəhərlər insanlara xidmət etməlidir. İşğaldan azad olunmuş ərazilərdə dağıdılmış evlər yenidən bərpa olunur. Bu həm də bizə yeni şəhərsalmanı göstərir".