Bu gün dünyanın müxtəlif yerlərində savaş, müharibə özünü fərqli formalarda göstərir. Bunların içərisində hələ bitməyən və son ayların ən dəhşətli müharibəsi Rusiya və Ukrayna müharibəsidi. Bu savaş başladığı ilk gündən bu günə kimi onun haqqında minbir mülahizələr var. Hətta iş o yerə çatıb ki, bu məsələyə dünyanın ən məhşur sehrbazları da münasibət bildirir. Belə ki, dünyaca məşhur mentalist Uri Geller Rusiya-Ukrayna müharibəsinə aid proqnozda nüvə silahı təhlükəsindən danışıb.

İsrailli sehrbaz Ukraynanı yadplanetlilərin xilas edəcəyini deyib.

Bu barədə İsrail qəzeti “Maariv”də məlumat verilib. Məlumatda qeyd olunub ki: “Əgər Putin nüvə silahı atsa, yadplanetlilər müdaxilə etməli olacaq. Onlar öz texnologiyalarını tətbiq edərək nüvə başlıqlarını məhv edəcək.

Yadpalnetlilər nüvə müharibəsinə icazə verməyəcək. Hesab edirəm ki, onlar Putinə mane olacaq. Yaxın 5 ildə yadplanetlilər Yerə enəcək. Onlar bizimlə müharibə etməyəcək, əksinə sülhlə gələcəklər. Eniş nöqtələri isə Pasxa adaları və Misir piramidaları ərazisi olacaq. Onlar Yeri xilas etmək istəyir” , - deyə Geller bildirib.

Sonda nə olur olsun tezliklə dünyamızda sülh və əbədi rifah hakim olsun. Hər birinizə açıq səma, sevgi dolu günlər arzusu ilə...

HAZIRLADI : BÜNYAMİN BÜNYADZADƏ