Bu gün Azərbaycanda Məhərrəm ayının onuncu günü - Aşura günüdür.

Adalet.az xəbər verir ki, Aşura günü ilə əlaqədar Azərbaycan məscidlərində dini mərasimlər keçiriləcək.

Hər il olduğu kimi, bu il də Aşura günündə qanvermə aksiyaları təşkil olunacaq.

Qanvermə aksiyaları Aşura mərasiminin dərin mənəvi və humanist ruhunu əks etdirərək, insanlar arasında həmrəyliyin aşılanması, yardımlaşmanın önəmini təşviq etmək məqsədi daşıyır.

Aksiyalar zamanı toplanan qan hemofiliya və talassemiyadan, həmçinin digər xəstəliklərdən əziyyət çəkən insanların müalicəsində istifadə olunacaq.

Qeyd edək ki, bu il Məhərrəm ayı iyunun 16-də başlayıb.