Birləşmiş Ştatlar Vaşinqtonun İrəvanı dəstəkləmək üçün hansı addımlar ata biləcəyini müəyyən etmək üçün Ermənistandan gələn bir sıra müraciətləri öyrənir. 

Adalet.az xəbər verir ki, bu barədə ABŞ dövlət katibi Entoni Blinken bildirib.

"Biz Ermənistanla dəstəyimizi və əməkdaşlığımızı gücləndirmək üçün daha nə edə biləcəyimizi müəyyən etmək üçün Ermənistandan gələn bir sıra sorğuları araşdırırıq", - Blinken Nümayəndələr Palatasının Xarici Əlaqələr Komitəsinin dinləmələrində deyib. 

O, ətraflı məlumat verməyib. 

Eyni zamanda, Blinken xatırladıb ki, aprelin əvvəlində Brüsseldə Avropa Komissiyasının rəhbəri Ursula fon der Leyen və Ermənistanın baş naziri Nikol Paşinyanla birgə görüşü olub. Dövlət Departamenti rəhbərinin sözlərinə görə, bu məsləhətləşmələr ABŞ və Aİ-nin “Ermənistana dəstək” üçün daha nə edə biləcəyini öyrənmək məqsədilə aparılıb.

Dövlət katibi Azərbaycan və Ermənistanın sülh müqaviləsi imzalayacağına da ümid etdiyini bildirib.