Avropa Parlamentinin deputatları dünən keçirilən plenar sessiyada, Qazaxıstanda baş verən insidentlər zamanı insan hüquqlarının pozulması, etirazlar və kütləvi iğtişaşlarla bağlı beynəlxalq araşdırma aparması və AP rejimləri  çərçivəsində Qazaxıstanın yüksək çinli məmurlarına qarşı sanksiyalar tədbiq olunması tələbləri barədə Qətnamə qəbul edib.
 
Qazaxıstanın yuxarı palatasının beynəlxalq əlaqələr, müdafiə və təhlükəsizlik komitəsinin sədri Muxtar Kul-Muxammed, Avroparlamentin bu qətnaməsini tələsik atılmış addın kimi qiymətləndirib. O, bildirib ki, Qətnamənin təşəbüskarları kütləvi iğtişaşlar zamanı  silahlı terrorçuların  törətdiyi cinayətlər barədə səhih məlumatlara malik olaraq məsələyə üzdən yanaşıblar.
  
Qazaxıstanlı senator qeyd edib ki, hüquq mühafizə orqanları hazırda istintaq aparır, araqarışdıranlar, təşkilatçılar və terror hücumlarını təşkil edənlər müəyyənləşdirilərək məsuliyyətə cəlb edilirlər. "Buna baxmayaraq, istintaqın nəticələrini, hadisəyə rəsmi hüquqi qiymət verilməsini  gözləmədən Avroparlament  tələsik qətnamə qəbul edib".

 Kul-Muxammed qeyd edib ki, "bu cür nüfuzlu beynəlxalq təşkilat, Avropa Parlamenti, qərar qəbul etməmişdən əvvəl öz deputat qrupunu Qazaxıstana göndərməki, terror hücumlarının fəsadlarını gözləri ilə görməli, mülkiyyətinə zərər dəymiş iş adamları, həlak olanların ailə üzvüləri ilə görüşməli və yalnız bundan sonra hər hansı bir qərar çıxarmalı idi. Təəsüf ki, qəsdən və ya xaricdən olan təsir nəticəsində belə bir qərar qəbul edilib".
 
Rüstəm Hacıyev