Adalet.az xəbər  verir ki, bugünlərdə , yəni   bu  ilin  dekabr  ayının  ikinci  ongünlüyünün  tamamında  Peşəkar Mühasib Təşkilatı - Azərbaycan Professional Maliyyə Menecerləri Assosiasiyasının (APFM) təşkilatçılığı ilə 2-ci APFM AWARDS mükafatlarının təqdimat mərasimi keçirilib.

Tədbirdə APFM-in sıx əməkdaşlıq etdiyi dövlət və özəl qurumlar, xarici peşəkar mühasib təşkilatları və onların nümayəndələri, APFM-in Korporativ və fərdi üzvləri - 200-dən çox təşkilatın maliyyə menecerləri və peşəkar mühasibləri iştirak ediblər.

Öncə   xüsusi hazırlanmış videoçarx   göstərilib. Nümayiş etdirilən  həmin  videoçarxda APFM-in 2025-ci ildə fəaliyyəti və əldə etdiyi nailiyyətləri əks etdirilib.

APFM ailəsinin fəxri üzvü- akademik Ziyad Səmədzadə açılış nitqi ilə çıxış edərək APFM üzvlərini və xarici qonaqları salamlayaraq   keçirilən tədbirin əhəmiyyətini açıqlayıb.

 İştirakçılara  APFM-in üzv olduğu ICB/ICFM Global təşkilatının prezidenti- Qarri Karter tərəfindən göndərilmiş təbrik  də  həmin  videoçarxla  çatdırılıb.

Daha sonra tədbirin ən gözlənilən anı – 2-ci APFM AWARDS mükafatlandırma mərasimi başlayıb. Mükafatları APFM-in idarə heyətinin sədri Nuriyyə Novruzova təqdim edib. Bu mükafat maliyyəçilərin maliyyə və mühasibatlıq sahəsində göstərdikləri yüksək peşəkarlığın, məsuliyyətli fəaliyyətin, etik prinsiplərə sadiqliyin və peşəkar standartların inkişafına verdikləri töhfələrin bariz göstəricisidir.

Ənənəvi olaraq  hər ilin sonunda keçirilən bu tədbir yeni uğurlar üçün güclü motivasiya kimi gələcəkdə də maliyyə peşəsinin nüfuzunun yüksəlməsinə, iqtisadi sabitliyə və dayanıqlı inkişafa öz töhfəsini verəcəkdir.