ANA SƏHİFƏ / YAZARLAR

Tofiq Abdini bir balaca artıq sevmək

Və yaxud, şair demişkən, biz hələ qocala bilərik bir az...

27237    |   2012-09-01 08:47
Şriftin ölçüsü:
A+ Böyütmək
A+ Balacalaşdır

İndiki uşaqlar üçün sentyabrın 1-i adi bir gündü. Təqvimdəki adi günlərdən heç nə ilə fərqlənmir. Nemeslərin andını içə bilmərəm, amma sovetlərdə bu günün əməlli-başlı hörməti vardı. Səhər açılınca kitab-dəftər dolu çantanı götürüb qaçırdıq məktəbə. Üç ayın həsrətinə beləcə son verilirdi. İndi məktəb yaşlı uşaqlar bu sevinci yaşamaq üçün hələ 15 gün də gözləməlidi.
   
   Nə yaxşı ki, Tofiq Abdin var. Sentyabrın 1-ni urvatdan düşməyə qoymur. Bir-birindən maraqlı şeirlər, publisistik yazılar, köşələr yaradan Tofiq abi hələ məktəbdə oxuyanda, daha dəqiqi, komsomola keçəndə müqəddəs bir yalan uydurub. Deyib ki, sentyabrın 1-də dünyaya gəlmişəm. Nə yaxşı ki, Salyanda gələcək şairin sözünə inanıblar.
   
   Yaxşı ki, inanıblar. Dost-tanış da özünü inandırmağa çalışır ki, şair məhz sentyabrın 1-də dünyaya göz açıb. Kitab-dəftər dolu çantadan yapışıb məktəbə qaçmaq yaşımız çoxdan, lap çoxdan keçdiyindən indi təqvimdəki bu gün çəngəl-bıçaq götürüb Tofiq Abdinin ad gününə toplaşırıq.
   
   Belə məclislərin vazkeçilməz təşkilatçısı olan Tofiq abi masadakılara özünü təqdim etməyə ehtiyac görmür. Çünki bir zamanlar
   
   
   
    Bir eldə doğuldum
   
    Mərkəzdən uzaq,
   
    Üz tutub bir böyük şəhərə gəldim.
   
    Başımı soxmaqçün gəzdim künc-bucaq
   
    nə bir soyuq bildim, nə isti bildim-
   
    Döydüm bir qapını, dedim ki: mənəm-
   
    Gəlin tanış olaq, Tofiq Abdinəm!-
   
   
   
   deyən Tofiq abinin indi belə uzun-uzadı giriş verməyə ehtiyacı yoxdu.
   
   İndi şairin ovqatı tamam özgə bir ovqata misraya köklənib:
   
   
   
    Dostlarımız,
   
    tanışlarımız
   
    yaşıl budaqlar kimi budanır
   
    ölümün baltasıyla.
   
    Küsülü adamlar kimi
   
    barışa bilmirik
   
    dostlarımızın yasıyla.
   
    Ümid edirik
   
    bizdən yaşlılar var.
   
    Bu qışdan,
   
    bu vuruşdan çıxa bilsək
   
    gəlir yaz.
   
    Biz hələ qocala bilərik bir az!
   
   
   
   Bu gün abimiz Tofiq Abdinin doğum günüdü. Hər halda biz şairin uşaq yaşlarında uydurduğu yalana inanırıq. Sevinirik ki, abi hər il sentyabrın 1-ni bayram kimi qeyd etməyə bizə imkan yaradır. Təqvimdəki bu günü urvatdan düşməyə qoymur.
   
   Tofiq abi, yalan nə yazım, biz səni çox sevirik, lap çox. Həmişəcavan dostumuz və gözəl şair olduğun üçün bəlkə bir az da artıq sevməliyik. Şairləri bir az da artıq sevməklə yaxşı şairin ömrünü bir gün də uzatmaq olar. Tofiq abi, sən özün demişkən:
   
   
   
    ...Biz onları bir balaca artıq sevsək,
   
    Yox, elə lap başqasıtək sevə bilsək
   
    Yaxşı şairin ömrü
   
    bəlkə uzanar bir gün...
   
   
   
    Tofiq abi, qoy ömrün bir az da uzansın. Bir az da, bir az da... Qoy sentyabrın 1-ni hələ çox bayram edək. Çox, lap çox...


YAZARIN ARXİVİ

2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2018-09-26
2018-09-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu,babam deyir ki, sən onun beynini də yemisən.




digər lətifələr
ARXİV
FACEBOOK