hacklink Adalet.az | O TƏNHA AĞAC... Adalet.az | O TƏNHA AĞAC... Adalet.az | Ədalət -
ANA SƏHİFƏ / YAZARLAR

O TƏNHA AĞAC...

20324    |   2012-06-30 09:18
Şriftin ölçüsü:
A+ Böyütmək
A+ Balacalaşdır

Uzun illərdən sonra yolunu bizim tərəflərdən salmışdı. Hər adam yadda qalmır, qalsa da, xoşluqla xatırlanmır. Hər kəsin yolu gözlənilmir, gəlişi arzulanmır. Onun gəlişi isə məni həqiqətən qəlbən şad elədi. Ürəkdən söhbət edə bildiyim çox az adamlardan biridi. Hər şeydən əvvəl ona görə ki, bilikli, məlumatlıdı, oxuyub öyrəndiklərindən, eşidib bildiklərindən ağıllı nəticə çıxarmağı bacarandı. Belələri ilə mübahisə də həmişə maraqlı, faydalı olur. Heç olmasa, yola salandan sonra dərindən köks ötürüb "şükür ki, bir-iki kəlmə Allah-bəndə sözü eşitdim" deyə bilirsən...
   
   Köhnə iş yoldaşlarımdandı. Başqa sənətin sahibi olsa da, ixtisaslı həmkarlarımın əksərindən yaxşı yazırdı. Nədənsə, çox işləmədi bizimlə. Sonra müxtəlif yerlərdən sorağı gəldi. Bir müddət az qala tamam unudacaqdım onu. Özü-özünü yada saldı... İndə hərdənbir baş çəkir mənə. Fikirlərimiz həmişə üst-üstə düşməsə də, bir-birimiznən səmimiyik. Ötən günləri xatırlayanda səhvlərimizi, zamanında nəyinsə xatirinə dediyimiz yalanları etiraf etməyi bacarırıq. Və bundan xeyli rahatlanır, daxilən yüngülləşirik. Onunla qeyri-səmimi olmaq da mümkün deyil. Hər halda mənə belə gəlir...
   
   Hər dəfə onu daha yaxından tanıya bilirəm. Xarakterinin gizli tərəfləri açılır, çoxlarına bənzəməyən birisi kimi gözümdə ucalır. Amma... bir şey məni narahat etməyə başlayıb. Özüm də bilmirəm, bu narahatçılığımla haqlıyam, ya yox. Məsələ burasındadı ki, mənim sevimli həmsöhbətim son illər dinə çox meyllənib. Təbii ki, inamnan yaşamaq insana rahatlıq gətirən bir şeydi. Mənim narahatçılığımın da kimlərisə çaşdırmasını istəmirəm. Hər şeyi öz qəlbimlə, ağlımla ölçdüyümdən bu halımın gizlinləri də ancaq özümə bəllidi. Kifayət qədər cavan adam olsa da, söz-söhbəti, oturuşu-duruşu ilə yetmiş-səksən yaşlı kişilər kimi səbrli və müdrik təsiri bağışlayır. Onu tez qocalan, gənclik duyğularından (lap elə səhvlərindən) belə tez ayrılan, həyat sevinclərindən könüllü imtina edən görmək istəmirəm. Hiss olunur ki, özü kimi düşünən cavanlı-qocalı beş-altı yaxını var. Bir də tez-tez işlətdiyi bir cümləsi: "Filankəs özünü qoruyan adamdı..." "Nədən qorunur?" deyə soruşuram. "Günahlardan!" cavabını alıram. İnsanın özünü qoruya-qoruya yaşaması birtəhər gəlir mənə. Lap sovet ədəbiyyatındakı müsbət qəhrəman obrazlarını xatırladır. Əgər Tanrı bağışlayandırsa, Tövbə qapısı bəndələrin üzünə həmişə açıqdırsa, bu qədər qorxmağın anlamı nədir?! Onsuz da belələri ciddi günah işlədən deyillər. Olsa-olsa, adi büdrəmələr, yanılmalar və s. ola bilər. Olsun. Bu aşırı tərbiyə, mömünlük bir az qondarma təsiri bağışlayır adama. Deməli, sən naturaca saf deyilsən. Qorxa-qorxa yaşamaqla, qəlb istədiklərini yasaqlamaqla, duyğularını zorlamaqla əsl dindar imici yaratmağa çalışırsan...
   
   Belə söhbətlərdən sonra heç nədən özünü günahkar hiss eləməyə başlayırsan. Yerli-yersiz hərəkətlərini ölçüb-biçmək keçir ağlından. Bu da təbii yaşam hissinə xələl gətirir. Sənə verilmiş bu ömür payında iştirakçıdan çox, seyrçiyə bənzəyirsən. Sanki bir kənarda dayanıb başqalarına gülürsən: "Bax, əsl insan mənim kimi olar. Mələk kimiyəm. Sizsə, dünyəvi istəklərinizlə hər gün bir az da çirkaba batırsınız..."
   
   İstəyirəm ona təsir edim, deyim ki, sən onsuz da yaxşıysan, bu dediyin ayinləri icra eləməsən də, yaxşı olacaqdın. Razılaşmır...Yox, deyir, məni ibadət çox dəyişib, çox şeylərdən qoruyub. Özümə görə günahlarım çoxdu. İnnən belə səhvə yol vermək istəmirəm. Əlimə fürsət düşüb. Mən də ürəyimi boşaltmaq istəyirəm. İbadət edə-edə, məscidləri, ziyarətgahları gəzə-gəzə əməlləriylə Allahdan çox-çox uzaq olanları misal çəkirəm. Bu yerdə mənimlə bir az razılaşsa da, "hər kəs öz əməlinə özü cavabdehdi" deyir...
   
   Ona heyfim gəlir. Elə bilirəm, getdikcə bizdən uzaqlaşıb fərəhsiz bip dünyaya qovuşur.
   
   - Sənə elə gəlmirmi ki, fanatizmə uyursan?
   
   - Qətiyyən. Mən kifayət qədər real adamam.
   
   - Real idin. Nə oldu birdən-birə? Əlindəki təsbeh məni yaman darıxdırır. Axı, bu, bekarçılıq əlamətidi,- qələmimlə pəncərəmin ağzında işləyən cavan fəhlələri göstərirəm, - bax, ən böyük ibadət onların işidi. Həm tikib-qururlar, həm bir parça halal çörək qazanırlar, həm də bu günlə yaşayırlar. İşləyə-işləyə deyib-gülürlər, lətifə danışırlar, arada mahnı da oxuyurlar. Nə avaraçılığa vaxtları qalır, nə də qeybət qırmağa. Hava qaralanda da xoş bir yorğunluqnan evlərinə dönürlər. Təsbehnən onların arasında hələ 50-60 illik yol var... Vallah, kim nə deyir-desin bu işıqlı dünyamızın bənzəri yoxdu. Hər şey bu torpağın üstündədi. Cənnət də, cəhənnəm də. Göznən gördüyünü qoyub, boş təsəllilərin ardınca getmək, lap yumşaq desək, səfehlik deyil?! Bəlkə də mənim anlamadığım çox şeylər var. Ancaq düzünə qalsa, qorxuram ey, o vəd olunan dünyadan. Naməlumluq üzür məni. Bu barədə düşünməyin özü ruhumu əzir. Hamletin monoloqu yadındadı?... Bizi nələr gözlədiyini hamımız bilmək istəyirik. Ancaq nə yolla? Kimsəyə bəlli deyil. Uzun illərdi əlimə düşən hər yazıdan, hər kitabdan cavablar axtarıram. Anlamaq, inanmaq, ruhumu sakitləşdirmək, arxayınlaşmaq istəyirəm. Ancaq düşündükcə dərin-dərin quyuların dibinə enirəm. Etiraf edim ki, bəzən sənin kimilərə də, əks düşünənlərə də qibtə edirəm. Özümsə, haqqnan nahaqqın arasında çabalayıram. Ruhumu sakitləşdirəcək bir şey tapa bilmirəm...
   
   - Görürəm. İçinin əzabları sir-sifətindən oxunur. Özünə çox da əzab vermə. Sənin kimilərçün hər şeyi qəbul eləmək, sinirmək asan deyil. Bir qədər susub təzədən dillənir, -sənə kitab vermişdim, oxudun?
   
   - Oxuya bilmədim. Belə kitablar mənlik deyil. Vərəqlədim, ilk cümləsini xoşladım, dəftərçəmə də yazdım... Sonrası... bəsit yazılıb. Belə kitablar saysız-hesabsızdı. Əksər fikirlər tanışdı. Elə ağlımız kəsənnən hədis eşidirk da...
   
   - Yox, o kitab qiymətlidi, təsirli fikirlərlə doludu. Sən onu bir də vərəqlə.
   
   - Yaxşı...
   
   Budəfəki söhbətimiz də bitir. Həm də yarımçıq qalır. Davamını yəqin ki, ikimiz də ürəyimizdə edəcəyik...
   
   Bilirəm, bir müddətdən sonra hərlənib yenə gələcək. Elə mən də onu gözləyəcəm. Ürəyimə yığılanları paylaşmaqçün...
   
   
   
   ***
   
   Verdiyi kitabı bir də vərəqləyirəm. Məni istədiyindən gətirdiyini, oxuyub faydalanmağımı, səbr, təsəlli tapmağımı arzuladığını bilirəm. Amma... mən də mənəm ey. Bəzən dağ boyda təsəlliləri eynimə almıram. Bəzən də adi bir sözdən qanad taxıb, günlərimə, aylarıma yetəcək rahatlıq tapıram. Bu kitabda yazılanlarsa darıxdırır məni. Nə adını, nə müəllifini deməyəcəm. Məqsədim kitab təbliği deyil. Digər tərəfdən, müəllifin zəhmətini də yerə vurmaq istəmirəm. Təbii ki, bu kitabın da öz yiyəsi, yüzlərlə, minlərlə oxuyanı, gözləyəni var. Hər kəs öz səviyyəsində, ruhuna uyuşanları seçir...
   
   Allahım, nə gözəl bir şeydi xırda təsəllilərlə ovunmaq, bir sözdən, bir baxışdan təsəlli tapmaq!...
   
   Mənsə, elə kitabın üz qabığındakı ağac misallıyam: "Quraq bir vadinin tənha ağacı yaşıl çəmənliyin ağacından möhkəm olur".
   
   İmam Əlinin sözləridi bu...
   
   Öz-özüynən danışmaqdan, dərdlərini içinə gömməkdən, heç kimi, heç nəyi gözləməməkdən möhkəmlənib O Tənha Ağac...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-11-15


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK