DE BYAZİNİN SƏFEH ƏVƏZLƏMƏSİ BAHA BAŞA GƏLDİ
Milli komandamız İrlandiya ilə oyuna istəkli çıxmışdı. Hətta elə bil özlərinə naşatır spirti sürtmüşdülər. Çox gözəl oyun nümayiş etdirdilər. Emin Mahmudovun qolundan da yox idi. Yəqin ki, onun qolu Dünya Çempionatının seçmə oyunlarında bu ayın 10 ən gözəl qolları siyahısına düşəcək.
Amma oyunun axırına yaxın De Byazinin səfeh əvəzləmələri komandamıza çox böyük zərbə vurdu. Nəticədə oyun heç-heçə qurtardı.
Belə «xlam» baş məşqçiləri hardan tapıb gətirirlər möcüzədir ey. Gündüz çıraqla axtarsan De Byazi kimi mənasız baş məşqçi tapa bilməzsən.
Berti Foqts 5 il bizlə məzələndi, bizi şantaj elədi, özü də hər il bunun trolları yazırdılar ki, guya Foqtsu Braziliya istəyir, Argentina istəyir, İngiltərə istəyir, Zimbabve, Madaqaskar istəyir, yəni guya üstündə qırğındı. Bizdən getdi, hələ də işsizdi. Heç Qvineya da aparmadı.
İndi baxıram ki, De Byazi haqqında da yazırlar ki, filan ölkə istəyir, filan ölkə istəyir, bu da hələ naz edir.
Yadıma ağdamlıların məşhur bir anekdotu düşdü. Ermənilər Dağlıq Qarabağı istəyəndə ağdamlılar lağla zarafat edirdilər ki, ermənilərə deyək ki, filankəsi də (adını yazmıram, rəhmətə gedib) üstündə veririk, Qarabağı götürməyəcəklər.
İndi De Byazini də istəyənlərə deyək ki, üstündə bülbül də veririk, götürməyəcəklər.