Azərbaycan Respublikasının Nazirlər Kabinetinin "07" iyun 2021-ci il tarixli, 335 s saylı Sərəncamı ilə Vəkillər Kollegiyasının Rəyasət Heyətinə Bakı şəhərində ümumi sahəsi təxminən 3.500 kv.m olan möhtəşəm bina ayrıldı.

Adalet.az xəbər verir ki, bu barədə Vəkillər Kollegiyasının sədri Anar Bağırov sosial şəbəkədə paylaşım edib.

"Beləliklə, Cənab Prezidentin 2005-ci və 2018-ci illərdə vəkilliyin güclənməsi naminə qəbul etdiyi müvafiq sərəncamlarda Vəkillər Kollegiyası üçün Bakı şəhərində bina ilə bağlı Nazirlər Kabinetinə verdiyi tapşırıqlar icra olundu. Xüsusilə mürəkkəb bir məsələ idi. Çox xoşbəxtəm ki, sədr seçildiyim gündən etibarən rast gəldiyim ən çətin problemlərdən biri həllini tapdı. İnanıram ki, tezliklə müasir və modern "Vəkil Evi" vəkillərimizin istifadəsinə veriləcək. Bütün vəkillər adından Cənab Prezident İlham Əliyevə və Birinci vitse-prezident Mehriban xanım Əliyevaya vəkilliyə göstərdikləri misilsiz dəstəyə görə minnətdarlığımı bildirirəm", - deyə A.Bağırov paylaşımında qeyd edib.