Rusiyanın Baş Prokurorluğu ABŞ-nin Yel Universitetini arzuolunmaz təşkilat elan edib.

Adalet.az xəbər verir ki, Baş Prokurorluğun məlumatına görə, Yel Universitetində Beynəlxalq Münasibətlər Məktəbi fəaliyyət göstərir və agentliyin məlumatına görə, bu, bir növ etiraz hərəkatları liderlərinin hazırlanması üçün mərkəzdir.

"Amerika təhsil müəssisəsinin divarları arasında mütəmadi olaraq ölkəmizin ərazi bütövlüyünün pozulmasına yönəlmiş etiraz aksiyaları keçirilir. Xüsusi xidmət orqanlarının tapşırığı ilə "tədqiqatçılar" Ukrayna millətçilərinin sonradan maliyyələşdirilməsi məqsədilə Rusiya əmlakının ələ keçirilməsinə hüquqi əsas tapmağa çalışırlar", - deyə Baş Prokurorluğun bəyanatında bildirilir.