44 günlük müharibədən dərs çıxarmayan və hələ də ağıllanmayan Ermənistan yenidən müharibəyə hazırlaşır. Silah-sursat alır, sərhəd bölgəsində səngərlər qazır.
Təbii ki, Paşinyan müharibə istəməz, amma Fransanın və başqa Avropa dövlətlərinin əlində oyuncağa çevrilib. Qoltuğuna qarpız verirlər, amma fikirləşmir ki, bu qarpızlar lax yumurta kimi bir şeydi.
O gün də Fransanın Ermənistandakı səfiri köklü-köməcli sərhədə gəlib Azərbaycan tərəfə baxıbmış.
Biz müharibə istəmirik. «Savaş, sənə qarşı savaşanlarla savaş!» Bu müqəddəs ifadəni də unutmamışıq. Və əgər müharibəyə başlayarlarsa, Fransa səfiri köklü-köməcli Türkiyəyə qaçıb ordan Ermənistana baxacaq.
Yəni doğrudanmı 2,5-3 milyonluq Ermənistanda bir ağıllı adam tapılmır ki, Paşinyanın başına bir az ağıl qoysun?!