Yaşa, «Dəmir Yumruq»lu Ali Baş Komandanım..!
Əlli milyon insanın ümidi, pənahısan.
Millətimin dünəni, bu günü, sabahısan
Gözlərinin nurusan, qəlblərin dayağısan
Vətənimin sipəri, mənim ürəyim, canım
Yaşa, «Dəmir Yumruq»lu Ali Baş Komandanım..!
Əsla dinclik bilmədin on yeddi il sərasər
Qaçqın, köçkünlə keçdi saatlar, dəqiqələr
Bir ildir ki, çin olub o ümidlər, o vədlər
Vətənimin sipəri, mənim ürəyim, canım
Yaşa, «Dəmir Yumruq»lu Ali Baş Komandanım..!
Cəbrayıl, Zəngilandan, Füzuli, Qubadlıdan,
Soltan bəyin Laçını, Kəlbəcərdən, Murovdan
Nə Vətən, nə vətəndaş qalmaz, qalmaz nigaran
Vətənimin sipəri, mənim ürəyim, canım
Yaşa, «Dəmir Yumruq»lu Ali Baş Komandanım..!
BMT-dən çox güclü, tədbirliymişsən demə
Qələbən ilə bitdi bir əsirlik həngamə
Torpaqlar azad oldu, status «cəhənnəm»ə
Vətənimin sipəri, mənim ürəyim, canım
Yaşa, «Dəmir Yumruq»lu Ali Baş Komandanım..!
Hünərinə heyrandır bu dünya başdan-başa
Güvənərək xalqına, qalxdın haqlı savaşa
«Qırx dörd gün»lük bu savaş, «tamaşadır-tamaşa»..!
Vətənimin sipəri, mənim ürəyim, canım
Yaşa, «Dəmir Yumruq»lu Ali Baş Komandanım..!
Füzulidə Beynəlxalq Hava Limanı tikdin
Şuşaya «Zəfər yolu» adı ilə yol çəkdin
Düşmən bağrın dağladın, dost bağına gül əkdin
Vətənimin sipəri, mənim ürəyim, canım
Yaşa, «Dəmir Yumruq»lu Ali Baş Komandanım..!
Ardınca Zəngilanda, Laçında bundan belə
İki Hava Limanı tikdirəcəksən hələ
Hərbi, həm iqtisad planların əl-ələ
Vətənimin sipəri, mənim ürəyim, canım
Yaşa, «Dəmir Yumruq»lu Ali Baş Komandanım..!
Şəhərlərin, kəndlərin baş planı hazırdır
Ağıllı kənd, şəhərlər, görüşə müntəzirdir
Qarabağda, bənzərsiz abadlıq işi gedir
Vətənimin sipəri, mənim ürəyim, canım
Yaşa, «Dəmir Yumruq»lu Ali Baş Komandanım..!
Olanın mindən birin yazdım müxtəsər olsun
Yaddaşlara yazılan püxtə bir əsər olsun
Prezidentim tarixdə, əsrlər ilə qalsın
Dahinin, Dahi oğlu oldu ürəyim, canım
Yaşa, «Dəmir Yumruq»lu Ali Baş Komandanım..!
Bahar havasındadır payızım da, qışım da
Çal-çağıra qoşuldum mən də əqil yaşımda
Laçın, Şuşa, Ağdama səfər eşqi başımda
Fərrux get öp o yurdun, torpağın da, daşın da
Qoy Allahım qorusun səni, ürəyim canım
Yaşa, «Dəmir Yumruq»lu Ali Baş Komandanım..!
Fərrux NAĞIZADƏ,
Ordubad Rayon Veteranlar Təşkilatının sədri,
istefada olan polkovnik-leytenant,
Azərbaycan Yazıçılar Birliyinin üzvü.