Bizim bəxtimizdəndi, xiyar həmişə əyri bitir. Çempionlar Liqasının təsnifat mərhələsində ilk dəfə VAR tətbiq olundu və o da bizim əleyhimizə işlədi. Hakim siftə mərkəzi göstərdi, sonra VARdan dedilər gözlə, sonra da dedilər ki, bizim oyunçu bir santimetr irəli imiş.

Nə isə, olsun.

Amma «Qarabağ» sonacan at kimi döyüşdü. İkinci heyətlə oynamasına baxmayaraq, Macarıstan çempionuna göz açmağa imkan vermədi.

Möhtəşəm və çox həyəcanlı bir oyun oldu. Azarkeşlərimiz də sonacan «Qarabağ»ın yanında oldu. Eşq olsun azarkeşlərə də, «Qarabağ»a da.

İnşallah, Budapeştdə daha möhtəşəm oynayacağıq. Qələbə bizimdir!

Qurban Qurbanov və onun köhlən atlarına bizə belə ləzzətli həyatı yaşatdıqlarına görə təşəkkür edirik.