Rusiya bu gün, Moskvanın Ukrayna dövlətinə qarşı “üsyanda” və 2014-cü ildə Malayziya Hava Yollarına məxsus MH17 təyyarəsinin vurulması da daxil olmaqla silahlı zorakılıqda ittiham olunan rusiyapərəst qüvvələrə dəstəyi ilə bağlı Birləşmiş Millətlər Təşkilatının ali məhkəməsində çıxış edəcək.

Adalet.az xəbər verir ki, bu  barədə "Al Jazeera" nəşri məlumat yayıb.  

Bildirilir ki, Haaqa Beynəlxalq Məhkəməsinin hakimləri Ukraynanın Moskvanın rusiyayönlü separatçıları silahlandırmaq və maliyyələşdirməklə BMT-nin terrorizmlə mübarizə müqaviləsini pozması ilə bağlı iddiasına baxacaqlar.  

Ukraynalı vəkillər çərşənbə axşamı, rusiyalı vəkillər isə cümə axşamı məhkəməyə cavab verəcəklər.  Kiyev Rusiyanı Ukraynanın Donbasındakı Moskvayönümlü qüvvələri silah və pulla dəstəkləməkdə və bununla da BMT-nin qəbul etdiyi Terrorizmin Maliyyələşdirilməsi ilə Mübarizə üzrə Beynəlxalq Konvensiyanı pozmaqda ittiham edir.

Ukrayna 2014-cü ildə başlayan və səkkiz il ərzində təxminən 13 min insanın ölümünə səbəb olan və Rusiyanın 2022-ci ilin fevralında Ukraynaya genişmiqyaslı müdaxiləsi ilə nəticələnən döyüşlərə görə kompensasiya tələb edir.