Ukrayna Rusiyanın nə qədər ərazisini ələ keçirib? - General AÇIQLADI

Ukrayna Prezidenti Volodimir Zelenski qərargahın iclasını keçirib.
Adalet.az xəbər verir ki, bu barədə o, özünün teleqram kanalında məlumat verib.
İclasda Ukrayna Silahlı Qüvvələrinin Ali Baş Komandanı general Aleksandr Sırski cəbhədəki vəziyyət və Kursk vilayətində “hərbi əməliyyatlar” barədə məruzə təqdim edib.
“Bütün əsgərlərə və komandirlərə mətanət və qətiyyətli hərəkətlərinə görə minnətdarıq. Daxili işlər nazirinə və digər məsul şəxslərə əməliyyatın keçiriləcəyi ərazi üçün humanitar plan hazırlamağı tapşırıblar”, - Zelenski qeyd edib.
Sırskinin verdiyi məlumata görə, hazırda Ukrayna hərbçiləri Kursk vilayətinin təxminən 1000 kvadrat kilometr ərazisinə nəzarət edir.
“Biz Kursk vilayətində hücum əməliyyatlarını davam etdiririk. Hazırda biz Rusiya Federasiyasının təxminən 1000 kvadrat kilometr ərazisinə nəzarət edirik”, - o qeyd edib.
Zelenski bildirib ki, o, Müdafiə Nazirliyinə və diplomatlara tərəfdaşlardan Ukrayna ərazisini qorumaq üçün uzaqmənzilli silahlardan istifadə etməyə icazə almağı tapşırıb.
Qeyd edək ki, Rusiya Müdafiə Nazirliyi Kursk vilayətinə əlavə qüvvələrin köçürüldüyünü açıqlayıb.
Xatırladaq ki, Kursk əməliyyatı avqustun 6-da başlayıb
Digər Xəbərlər

Bayraktar qardaşları “Forbes”in milyarderlər siyahısında

Hakan Fidan və Rubio Cənubi Qafqazdakı vəziyyəti müzakirə ediblər

Zelenski ABŞ-nin istədiyi sazişi imzalamadı

Putin Təhlükəsizlik Şurası ilə Trampla danışığını müzakirə etdi

Zaxarova təyyarə qəzasına görə münasibətlərin pisləşməsindən danışdı
jpg-1739538915.jpg)
Rəsmi İrəvan "Rus evi"ni bağlayacaqmı? - PROQNOZ

Ərdoğan: Trampın vədlərini yerinə yetirməsini gözləyirik
