TikTok 2026-cı ilin birinci rübü üzrə “İcma Qaydalarının tətbiqi haqqında” hesabatını açıqlayıb.

Adalet.az xəbər verir ki, hesabata əsasən, 2026-cı ilin yanvar–mart aylarında Azərbaycanda:

İcma Qaydalarınınn pozulmasına görə 590 mindən çox video silinib;
Silinən videoların 99,4%-i platforma tərəfindən proaktiv şəkildə, yəni istifadəçi şikayəti daxil olmadan aşkarlanaraq aradan qaldırılıb;
İcma Qaydalarına uyğun olmayan videoların 95,7%-i dərc edildikdən sonra ilk 24 saat ərzində silinib.

Eyni dövr ərzində TikTok qlobal miqyasda:

İcma Qaydalarını pozan 184 milyondan çox videonu silib;
Qayda pozuntularının 99,3%-i istifadəçi şikayəti daxil olmadan aşkarlanıb;
Bu cür kontentin 94,4%-i dərc edildikdən sonra ilk 24 saat ərzində silinib.
2025-ci il ərzində isə TikTok Azərbaycanda İcma Qaydalarının pozulması səbəbindən 3,6 milyondan çox videonu platformadan silib.