İndi çox nadir adam tapılar ki, mobil telefondan istifadə etməsin.

Artıq mobil telefon bizə hava, su kimi lazımdır. Amma ondan da elə istifadə olunmalıdır ki, o, sənə  ziyan vurmasın! Heç kimə sirr deyir ki, bəzən Bakıda piyadalar  təyin olunmamış yerdən  keçərkən belə telefonla danışır, avtomobillərin hərəkətinə diqqət yetirmir. Və nəticədə bir çox halda belələri avtomobillə vurulur, sonra da bütün məsuliyyəti piyadaların deyil, sürücülərin üzərinə düşür. Amma bu o demək deyil ki, sürücülər sükan arxasında mobil telefonla danışmırlar.

Dəfələrlə bir hadisənin  şahidi olmuşuq ki, həm sərnişin daşıyan avtobus sürücüləri, həm də fərdi avtomobilləri idarə edən insanlar sükan arxasında mobil telefonla danışır.Bununla yanaşı, bəzi intizamsız sürücülər siqaret çəkir, tum çırtlayır.Təbii ki, bunlar hamısı birmənalı olaraq qanun pozuntusudur. Bakı Şəhər Dövlət Yol Polisi İdarəsinin ictimaiyyətlə əlaqələr bölməsinin rəisi Toğrul Nəsirli deyir ki, sükan arxasında mobil telefonla danışmaq qanuna ziddir.

Çünki sürücü telefonla danışırsa, onun diqqəti yayınır və qəza şəraiti yaranır. Onu görə də bu qanun pozuntusuna görə sürücülər 50 manat məbləğində cərimə edilir. Bir daha sürücülərdən xahiş edirik ki, yol hərəkəti qaydalarına əməl etsinlər və qanunu pozub qəza şəraiti yaratmasınlar!

Emil Faiqoğlu